Karikani B'aai 9:6 - Te B'aib'ara

⁶ A karikaki aomata b'a katotongan te Atua, ma ngaia are, ane tiringa te aomata temanna, ao e na manga tiringaki i roun te aomata temanna.

Karikani B'aai 9:6 ပူးပေါင်းရင်းမြစ်များ

Karikani B'aai 4:14

Ko kanakoai man te aba, ao mai matam naba. N nang riki b'a te aomata ae akea mwengana, ae tiotio nako n te aonnaba, ao e na tiringai ane I reke i rouna.”

Karikani B'aai 42:22

Ao e taku Reuben, “I bon tuangngkami ngkoa b'a kam na aki tiringnga, ao ngkai ti a katuaaeaki i bukin matena.”

Karikani B'aai 5:1

Ao aikai araia kanoaia kanoan Atam. (Ngke E karaoia aomata te Atua, ao E karaoia b'a boni katotoongana.)

2.Tamuera 4:11

Ao ngkami aika m'aane aika kam buakaka, kam a tia ni karaoa riki te b'ai ae e rangi ni buakaka riki nakon are karaoia. Kam a tia n tiringa te aomata ae akea ana bure i nanon oin ana auti i aon ana kainiwene. N na kabooa mwiin ae kam karaoia nakoimi. N na kamaunaingkami mai aon te aonnaba aei!

1.Uea 2:9

Ma ngaia are ngkai, ko na riai ni katuaea. E a boni m'aane, ma ngkoe, ko a wanawana n ataa arom ni kamatea.

2.Uea 11:1

Ni bon te tai are e ongo naba iai Nei Ataria b'a e a mate natina te m'aane are Aatia, ao e a iangoia b'a e na tiringiia ana koraki te uea ni kabaneia ake a na konaa ni manga riki b'a uea. E boni karaoa aei,

2.Uea 11:16

Ma ngaia are, a katikitikia nako mataniwiin te taanga ni buaka nakon te mataroa are a kaakairaki iai taian aoti nako nanon te bareti, ao a tiringnga ikekei.

2.Uea 11:20

A bane ni bootaki ni kukurei aomata i bukina ngke e a tia n tiringaki Nei Ataria, ao e a manga reke te rau i aon Ierutarem.

2.Rongorongo 33:24

E kam'aneaki Amon bon irouia ana mataniwi ao a tiringnga i nanon ana bareti.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Te Otinako 20:13

“Ko na aki tiriaomata.

Taeka n Rabakau 28:17

Tai buokiia taan tiriaomata! Katikuia ni bon aia waaki ni kabane bongin maiuia.

Te Minita 3:3

te tai n tiritiri ao te tai ni kakamaiu, te tai n urub'ai ao te tai ni kateib'ai,

Nakoaia Ibonga 17:4

e na atongaki b'a e bure ni katutuua te raraa, ao e na kararoaaki mai buakoia ana aomata, ao n aki aranaki b'a ana Aomata te Atua b'a kioina ngke e aki tiringa ana karea i mataroan te Um'antabunrianna.

Nakoaia Ibonga 24:17

Te mate bon tuaan te tia tiriaomata,

Warekaia Iteraera 35:16

Ngkana ko orea te aomata temanna n te m'akoro ni biti,

Warekaia Iteraera 35:25

Ngkana ko aki reke ni bure, ao ko na kaawakinaki mairouia ana utu te mate, ao ko na kanakoaki nakon Kaawa ni Kamauri ni karokoa te tai are mate iai te ibonga are rietaata.

Warekaia Iteraera 35:33

Bon te UEA Ngai ae I maeka i buakomi Iteraera, ma ngaia are, e riai ni kaawakinaki itiakin abami. B'a ngkana iai te tiritiri, ao e na b'aro te raraa n tanon te aba, ao e na kam'araea.

Mataio 26:52

Ma E taku Iesu nako ina, “Ko na kaki am kabaang ni nena; b'a a na bane ni mate n te kabaang akana kamanena te kabaang.

I-Rom 13:4

B'a ana aomata te Atua ngaia ao tabena bon te buokiko nakon ae e raoiroi. Ma ngkana ko karaoa ae buakaka ao ko bon riai ni maku, i bukina b'a bon iai m'aakana ni kareke kai: b'a ana aomata te Atua ngaia ae te tia irantaanga ae karaoa nanon te Atua ni karekea kain ane karaoa ae buakaka.

1.I-Korinto 11:7

B'a e bon aki riai n rabunaki atun te mm'aane, ngkai katotongan ao mimitongin te Atua; ma te aine boni mimitongin te mm'aane.

Te Tua-Kaua 19:11

Ma tera aromi ngkanne ngkana kam boni karaoa te tiriaomata? Ngkana tao iai temanna maibuakomi ae ribaa kaain rarikina. Ao kam nakon te tabo a e akea kaaina ni karanna iai, ao e tiringnga, ao e biri nakon te Kaawa ni Kamauri.

Te Tua-Kaua 5:17

Kam na aki tiriaomata.

Iakobo 3:9

Ti kabongana i bukini katituaraoan te Uea ae Tamara, ao i bukin naba karereantiaia aomata aika karaoaki b'a katotongan te Atua.

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Tani Motiki-taeka 9:56

Ao anne aron te Atua ni katuaaea Abimereka i bukin tiringakiia tarina ao kamamaaean ana utu tamana.

1.Tamuera 15:33

Ma e taku Tamuera, “Akaaka, ko a tia n anaiia ataei aika uarereke mani baiia tinaia ao ko tiringiia. Ao ngkai akea natiia tiina.” Ao i mwina, e anaa Akaaka Tamuera ao e korobitiia ni kauarerekea n te tabo n taromauri are i Kirekara.