Karikani B'aai 9:3 - Te B'aib'ara

³ Ao kam a kona ni kang irikoia maan ma aroka aika kiriin man te tai aei. I anga ni kabane nako imi b'a kanami.

Karikani B'aai 9:3 ပူးပေါင်းရင်းမြစ်များ

Karikani B'aai 9:2

A na maakui ngkami maan ma mannikiba, ao ika ni kabane; a na bane ni mena i aani m'aakami.

Nakoaia Ibonga 22:8

I tuangngkami b'a kam na tai kang maan aika a kamateaki irouia maan ni kaakaang, ke ni boni mate bon i rouia. Kam na riki ni kam'araa iai. Bon te UEA Ngai.

I-Rom 14:14

Ngkai I reitaki ma te UEA are Iesu n au onimaki, ao I bon ataia raoi b'a akea te b'ai ae kam'ara n arona are e karikaki iai; ma ane taku b'a e kam'ara te b'ai teuana, ao e boni kam'ara i bukina.

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Rom 14:20

Tai urua ana m'akuri te Atua i bukini kanam. Akea te am'arake ae kam'ara, ma e bure kanakin te am'arake are e na riki b'a te b'ai ni kab'akab'aka nakon temanna.

I-Rom 14:3

Te aomata are kang am'arake nako e na aki kakeaa bongan te aomata are iai baika e aki kona ni kang; ao te aomata are kang ti am'arake man aroka nako ke e tai kabuakaka te aomata are kang am'arake nako, i bukina b'a e butim'aeaki arona anne iroun te Atua.

1.I-Korinto 10:23

A atoatonga ae kangai tem'angina i buakomi: “Ti uki ni karaoi b'aai nako.” Tao e koaua, ma a aki bane b'aai ni manena ao a aki bane naba ni kateimatoa te aba.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

Te Tua-Kaua 12:15

Ngkana arona b'a E kakab'aiaingkami te UEA n anganingkami ami kao ke ami tiibu ke ami kooti aika m'aiti,

I-Korote 2:16

Ma ngaia are tai kariaia temanna b'a e na baireia b'a tera ae kam na kanna ao kam na nimma, ao tai kariaia naba b'a e na tuangngkami b'a kam na kawakina bongin te toa teuana, ma te Toa ae Moan Otin Nam'akaina, ma Taabati.