Karikani B'aai 9:21 - Te B'aib'ara

²¹ Ao ngke e a tia ni mooi n te wain Nooa, ao e a koro ni manging, e kanakoa kunnikaina, ao e wene ni bebeekan i nanon te auti n rianna.

Karikani B'aai 9:21 ပူးပေါင်းရင်းမြစ်များ

Karikani B'aai 6:9

Aio rongorongon Nooa. Bon iai natina mm'aane aika teniman aika Tem, Aam ao Iabeta.

Karikani B'aai 9:20

Bon te tia ununiki Nooa, are boni ngaia te moan aomata n unika te kureebe.

Taeka n Rabakau 20:1

Bon te aki wanawana te koro ni manging! E kananobabako te mooi manging ao e kairiko nakon te un.

Te Minita 7:20

Bon akea n te aonnaba aei ae e kaakaraoa te eti n taai nako.

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

1.I-Korinto 10:12

Ma ngaia aei, b'a ane taku n ana iango b'a e tei matoa, ao e na tarataraia b'a e kawa ni b'aka.

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

Tito 2:2

Ko na taetae n reireiia unimm'aane b'a a na tau baangiia, a na tau b'aai ma nanoia, a na iango raoi, a na nako raoi n aia onimaki, ma aia tangira, ao n aia taotaonaki n nano.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.