Karikani B'aai 9:20 - Te B'aib'ara

²⁰ Bon te tia ununiki Nooa, are boni ngaia te moan aomata n unika te kureebe.

Karikani B'aai 9:20 ပူးပေါင်းရင်းမြစ်များ

Karikani B'aai 3:23

Ma ngaia are, E kanakoia te UEA ae te Atua man te nne n aroka are Eten, ao E karaoia b'a taan ribanaa te tano are a boni karaoaki mai iai.

Karikani B'aai 4:2

Ao i mwiin te tai ae e aki maan, ao e a manga bungia riki natina te mm'aane temanna ae Abera. E riki Abera b'a te tia kaawakin tiibu, ao Kain b'a te tia ununiki.

Karikani B'aai 5:29

ao e taku, “Ni moa man te tai are E katekebuaka iai te tano te Atua ni karokoa te tai aei, ao a nang toki rawaawatau man au m'akuri iroun te tei aei.”

Karikani B'aai 9:19

Natin Nooa aika teniman aikai, boni ngaiia aia bakatibu kaain te aonnaba ni kabane.

Karikani B'aai 9:21

Ao ngke e a tia ni mooi n te wain Nooa, ao e a koro ni manging, e kanakoa kunnikaina, ao e wene ni bebeekan i nanon te auti n rianna.

Taeka n Rabakau 10:11

Aia taeka aomata aika a raoiroi bon boton te maiu, ma a karabaia aika a buakaka i akuun aia taeka aomata aika a buakaka.

Taeka n Rabakau 12:11

A m'aiti i aon ae e riai kanaia taani ununiki aika a m'akuri korakora, ao taani mimiiroaroa boni kaanga taian nanobaba aika a kabitaia.

Taeka n Rabakau 24:30

I nakonako n te taina i rarikin ana tawaana ao ana nnenikureebe te aomata ae e taningaroti ma n nanobaba.

Te Minita 5:9

I bukina ngke te kabanea n rietaata ni mataniwi te uea, ao e m'aiti riki tib'angana man te taekiti are e kab'akaaki man te aba.

Ana Anene Toromon 1:6

Ko na tai karekea taarau i bukina ngkai e b'atab'ata kuniu b'a mwiin aan te riringa. A un irou tariu; ao a kam'akurai n te nnenaroka ni kureebe, ai ngaia are I a aki tabe ma ribau.

1.I-Korinto 9:7

Antai te tautia ae boni kab'akai booni mwin ana kabanem'ane i nanon ana tai ni m'akuri n tautia? Antai ae uniki kureebe ni nneia ae e na aki kang uaana? Antai te tia kaawakintiibu ae aki karekea nimana n rannimammaia tiibu?

Te Tua-Kaua 20:6

Ngkana iai mai buakomi ae a tib'a tia n unika arokana te kureebe, ao e tuai roko tain ana moan tai, ao e na okira ana auti, b'a e kaawa ni mate n buaka, ao e na manga kukurei temanna n ana kureebe.

Te Tua-Kaua 28:30

Ane a na kabae ami m'aane, ma i m'aain are a mare ma ana kabae, ao e na tauaki buuna irouia aia tautia ami kairiribai. A na katea aia auti ami koraki tabeman, ma bon akea ae na maeka iai. Ngkana kam unika te kureebe, ao kam na bon mate i m'aain taian te moan uaa.