Karikani B'aai 9:12 - Te B'aib'ara

¹² Ao N na katea Nei Wirara i buakon te nang b'a kanikinaean au Berita ma te aonnaba,

Karikani B'aai 9:12 ပူးပေါင်းရင်းမြစ်များ

Karikani B'aai 17:11

Ni moa man te tai aei, ao kam na koroi kunin taboni m'aneia ataei ni mm'aane ni kabane akana a koro wanua aia bong i mwiin bungiakiia, n ikotaki naba ma nati mm'aane akana natiia ami toro akana bungiaki ni mwengami, ao tooro naba aika kam kabooi mairouia ianena. E na kaotaki raoi n aei b'a iai te boraraoi i marenau ma ngkami.

Karikani B'aai 9:13

Bon kanikinaean au Berita ae akea tokina ma ngkami, ao nakoni b'aai aika maiu ni kabane.

Karikani B'aai 9:17

Ao bon anne kanikinaean te berita are I karaoia nakoni b'aai ni kabane aika maiu.”

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Te Otinako 13:16

E na riki te botaki aei b'a te b'ai ni kauring, kaanga aron te b'ai ae kabaeaki i aon te bai, ke i aon toan te ram'a. E na boni kauringiira aron te UEA ni kaotinakoira mai Aikubita ni m'aakana ae korakora.

Iotua 2:12

Ma ngaia ae I butingkami ngkai, b'a kam na berita i matan Atuami b'a kam na nanoangaiia au utu n ai arou ngke I nanoangaai ngkami naba. Ao kam na anganai te kanikina ae N na kakoauai ngkami iai.