Karikani B'aai 8:1 - Te B'aib'ara

¹ Ao te Atua, e aki m'aninga taekan Nooa ma maan aika kawakawa ni kabane ake raona i nanon te kaibuke; E karokoa te ang ae korakora, ao e a tabe n ikinako te ran.

Karikani B'aai 8:1 ပူးပေါင်းရင်းမြစ်များ

Karikani B'aai 19:29

Ngke E kamaunai taian kaawa aika buubura te UEA, ake n te m'arua are e maeka ngkoa iai Roota, ao E bon uringa naba Ana berita ma Aberaam, ma ngaia are, E kabirinakoa Roota nakon te tabo ae na maiu iai.

Karikani B'aai 30:22

Ao E uringa Nei Rakera te Atua, ao E kaeka ana tataro, ao E a manga karaoia b'a e na kakariki.

Karikani B'aai 9:10

ao nakoni b'aai ni kabane aika maiu ake raomi n otinako naba man te kaibuke.

Neemia 13:14

I tataro b'a e na ururing baika a raraoi aika I a tia ni karaoi aikai nakon ana Tembora Atuau ao aomata naba ake a tia n taromauri iai.

Neemia 13:22

I tuangiia kanoan Rewi b'a a na katabuia ao a na teiakin taiani mataroa n te Taabati, b'a e aonga n teimatoa tabuna. E bon akoi ni koaua te Atua, ao I tataro b'a e na karaoa ae e raoiroi nako iu ma ni kakab'aiaai ngkai I a tia ni karaoa aei.

Neemia 13:29

I tataro b'a e na katuaaia te Atua i bukin uruakan aia berita n nakoaia n ibonga ao i bukin naba katarabuakaan te baronga are Rewi.

Neemia 13:31

I bon baaireia naba aomata b'a a na uoti taian aia i bukin te baonikarea ni katoa bong ao I baaireia naba b'a a na uoti moan m'akoron uaan aia tai nakon te Tembora. I tataro b'a e na kakab'aiaai te Atua i bukin b'aai aika a raraoi aika I a tia ni karaoi.

Iobi 12:15

E roko te rongo ngkana E taua te karau te Atua; a roko taian ieka ngkana E kanakoi taian ran.

Iobi 14:13

Tera ngke Ko karabaai i abaia maate, are Ko na karabaai iai ni karokoa tokin unim, ma ni manga karekea te bong teuana are Ko na manga uringai iai ikekei.

Taian Areru 105:42

B'a E uringa ana taeka are tabu nakon Aberaam are ana toro.

Taian Areru 106:4

Te UEA, uringai ngkana Ko buokiia am Botannaomata, Ao kamaiuai ma ngaiia;

Taian Areru 115:12

E uringira te UEA, ao E na kakab'aiaira; E na kakab'aiaia te botannaomata ae Iteraera ma ana utu Aron.

Taian Areru 132:1

Te UEA, tai m'aninga taekan Tawita ma kaangaanga ake e kaitaraa ma ngaai.

Taian Areru 136:23

E aki m'anuokiniira ngke ti konaaki; b'a akea tokin ana Tangira.

Taian Areru 137:7

Te UEA, uringa te baere a karaoia tibun Etom n te tai are ekakinako iai Ierutarem. Uringa aia taeka ngke a kaangai, “Urua, urubekebekea!”

Taian Areru 29:10

E tautaeka te UEA mai aon ana kaintokanuea b'a bon Ngaia Uean te ieka n aki toki.

Taian Areru 36:6

Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

Te Otinako 14:21

Ao e arora nako baina Moote i aon taari, ao E uka taari ni kaokia te UEA n te angi mainiku ae korakora. E kare ni katoa tairiki n te aro are e a onika taari nakon te aba ae m'auteretere. Ao e bwenauaaki taari

Te Otinako 15:10

Ma ti teuana ikeikem te UEA, ao a b'ab'a naba kaain Aikubita; a inako n ai aron te buange i nanon te ran ae marebu.

Te Otinako 2:24

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a,

Taeka n Rabakau 25:23

Ngkai e bon waaki te karau mai meang, ao ai aron naba taeka aika a buakaka b'a a nako man te maraki n nano.

Itaia 44:27

Bon Ngai ae I baairea taari ma karaangana nako b'a a na m'autakataka.

Ieremia 50:38

Ane a na mautakataka ami karaanga ma ami kanare nako. A na bane n riki baikai, i bukina b'a e onrake abami n taian bouananti, ao a tia ni kaburababaingkami.

Amota 8:7

E a tia ni berita te UEA ae Atuaia Iteraera ao E kaangai, “N na bon aki m'aninga aia m'akuri aika a buakaka.”

Iona 4:11

Tiaki e riai b'a N na nanoangaea riki Ninewe are te kaawa ae e rangi ni buubura arei, are a maeka iai aomata aika a m'aiti riki ae nakon 120,000 aika ataei aika akea aia bure, ao a m'aiti naba maan iai!”

Naum 1:4

E tua ao e ora taari. E kaorai taiani karaanga. A rai uteuten tawaanan Batian. Ao Maungan Karemera e bitaki nakon te buraun, Ao a b'ata ueen Reb'anon.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Tekaria 10:11

A na ri nanon marawan taiani kangaanga Au aomata, ma N na katoki korakoran taian nao ma ni kam'autakatakaa m'akoron te Naire are e rangi n nano. E na kab'akaaki kakatongan Aturia are e rangi ni korakora, ao e na mauna nako korakoran Aikubita.

Warekaia Iteraera 10:9

Kam na anga naba te kanikina n te bu ngkana kam nako ni buakaniia ami kairiribai aika a roko ni buakaningkami, b'a I aonga n ongo Ngai ae te UEA, ao N na kamaiungkami.

Warekaia Iteraera 22:32

Ao e taku te anera, “Bon akea riaina b'a ko na karaoa te aro anne nakon am aati. Boni Ngai ae I tuuka kawaim, i bukina b'a I aki tangiria b'a ko na nako Moaba.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

Te Kaotioti 18:5

B'a a rota karawa ana bure, ao te Atua E aki m'aninga taekan ana bure.

1.Tamuera 1:19

Ao a uti m'aaka Erekana ma ana utu n te bong are i mwiina, ao ngke a tia n taromauria te UEA, ao a manga okira Ram'a. Ao e a tia ni wene Erekana ma buuna are Anna, ao te UEA E kaekai ana tataro neierei.