Karikani B'aai 7:21 - Te B'aib'ara

²¹ A bane ni mate b'aai aika maiu i aon te aba, mannikiba ni kabane, maan aika kawakawa ni kabane aika buubura ma aika uarereke, ao aomata ni kabane.

Karikani B'aai 7:21 ပူးပေါင်းရင်းမြစ်များ

Karikani B'aai 1:25

Ma ngaia are, E karaoia ni kabane te Atua, ao E nooria b'a e raoiroi.

Karikani B'aai 6:13

Ao E taku te Atua nakon Nooa, “I a tia ni baaireia b'a N na kamaunaia aomata ni kabane. N na tiringiia n akea nikiraia, i bukina ngkai e a onrake te aonnaba n aia m'akuri ni kakam'arua.

Karikani B'aai 6:17

N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

Karikani B'aai 7:4

Ai ti itiua te bong ma ngkai, ao N nang karokoa te karau, ae e na b'aka i nanon abwi te bong ma te ngaina, b'a a aonga ni mate b'aai ni kabane aika maiu aika I a tia ni kariki.”

Iobi 34:15

ao a na bane ni mate aika maiu ma ni manga oneaki rab'ataia ni manga okira te tano.

Itaia 24:19

E na rina n uruaki te aonnaba, ma ni maaerikiriki.

Itaia 24:6

E a b'akaraki te aonnaba n te maraia; a mate aomatana i bukin aia bure.

Otea 4:3

Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

Ioera 2:3

A na katobibiaki n taian ai aika a ura: ao akea temanna ae e na biri nako. Ti te bo te aba ma Eten i m'aain kataenikaiana; ao ngkai ti te rereua n tiku.

Teb'ania 1:3

aomata ma maan aika a kawakawa, mannikiba, ao ika. N na kamaunaia aomata aika a buakaka. N na kamaunaia aomata n aekaia nako, ao akea ae e na tiku ni maiu, bon ana taeka te UEA.”

Mataio 24:39

ao akea te bae a ataia ni karokoa e roko te ieka ao e uotiia nako ni kabaneia; ao ai arona naba ngkana E roko Natin te Aomata.

Ruka 17:27

A am'am'arake ao a momooi; a iein ao a kaieinaki, ni karokoa te tai are e rin Nooa iai i nanon te aake; ao e roko te ieka ao e tiringiia ni kabaneia.

I-Rom 8:20

B'a b'aai ni kabane aika karikaki a bane ni kakiaki taekaia i aan te aki-nako-raoi, tiaki n oin nanoia, ma n nanon Teuare kaakiia i aana, ma te kaantaninga i bukiia,

I-Rom 8:22

B'a ti atai baika karikaki b'a a bane n teimatoa ni karokoa ngkai ni ngirangira ma n ariri ni maraki, kaanga ai aron te aine are nangi bung.

2.Betero 2:5

E aki kamaiuia kaain aonnaba ake ngkoangkoa te Atua, ma E ti kamaiua Nooa are te tia tataekina nanon te Atua nakoia aomata, ao itiman riki raona, ngke E karokoa te ieka i aoia kaain te aba ake a buakaka.