Karikani B'aai 7:12 - Te B'aib'ara

¹² ao e b'aka te karau nako aon te aba i nanon abwi te bong ma te ngaina.

Karikani B'aai 7:12 ပူးပေါင်းရင်းမြစ်များ

Karikani B'aai 7:17

Ao e reiti nako b'akan te karau i nanon abwi te bong, ao e tabe ni iabuti te ran n te aro are e a betirake te kaibuke mai aon te aba.

Karikani B'aai 7:4

Ai ti itiua te bong ma ngkai, ao N nang karokoa te karau, ae e na b'aka i nanon abwi te bong ma te ngaina, b'a a aonga ni mate b'aai ni kabane aika maiu aika I a tia ni kariki.”

Karikani B'aai 8:2

A in kawain raan n tiinako ake i aan te aba, ao a bono mataroan raan ake i karawa.

1.Uea 19:8

Ma ngaia are e a manga teirake Eria n am'arake mani mooi. Ao kanana are e a tia ni kanna, e bon anganna te korakora ni m'ananga i nanon 40 te bong, ni karokoa e roko n te Maunga are Tinai, are Ana Maunga te Atua,

Te Otinako 24:18

Taraan mimitongin te UEA irouia aomata ti te bo taraana ma te ai ae urarake i taubukin te maunga.

Mataio 4:2

ao E aki mamatam angaun te ngaina ao angaun te bong, ao rimwi E baki.

Te Tua-Kaua 10:10

Ao ngke I a tia ni uoti taiani kauoua n atiibu ni waerakea te maunga, ao I kabanea 40 te bong ma te ngaina ikekei, n aron are I karaoia naba ngkoa. Ao E a manga kaeka naba au tataro te UEA, ao E aki tiringingkami.

Te Tua-Kaua 9:18

Ao I bobaraaki n te tabo n taromauri, ao I tataro nakon te UEA, ao I aki am'am'arake ma ni mooi i nanon 40 te bong ao te ngaina. Kam a tia ni karaoa te bure ae rangi ni buakaka are karaoan te bouananti, ao E bon rangi n ribaa te b'ai are kam karaoia te UEA. Ao E rangi n maraki nanona n te aro are E na boni kamaunaingkami ni kabane n reitaki naba ma Aaron. Ma ngaia are, I tataro i bukimi, ao i bukin naba Aaron n aron are I karaoia naba ngkoa, ao E kaekai au tataro te UEA n te tai aei.

Te Tua-Kaua 9:9

E riki naba i nanon 40 te bong ma te ngaina ngke I mena i aon te Maunga ma n aki am'am'arake ao n aki momooi. E tuangai b'a N na tam'arake b'a E na anganai taiani boraraoi ake E a tia ni karaoi ma ngaira. Ao taiani boraraoi aikai bon taian Tua ake 10 ake E a tia ni katanoatai nakoimi ngke E taetae nakoimi man te ai mai aon te maunga. E a tia te UEA ni koroi ni baina i aon 2 atiibu aika raababa. Ma i mwiin anganakiu atiibu akana 2,

2.Betero 3:6

are uruaki iai aon te aba are ngkekei, ngke e iekaki n te ran.