Karikani B'aai 7:11 - Te B'aib'ara

¹¹ Ngke ai onobubua ana ririki ni maiu Nooa, ni katebwi ma itiuan bongin te kauoua n nam'akaina, ao a uki kawain raan ake i aan te aba n tiirake, ao a uki naba mataroan ranin karawa ni b'aro,

Karikani B'aai 7:11 ပူးပေါင်းရင်းမြစ်များ

Karikani B'aai 1:7

Ao e koro bukin are E taekinna. Ma ngaia are, a raure nako raan ake i annang ma taari.

Karikani B'aai 6:17

N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

Karikani B'aai 7:6

Ao onobubua ana ririki ni maiu Nooa ngke e a roko te ieka i aon te aba.

Karikani B'aai 8:14

Ao ni kauabwi ma itiuan bongin te kauoua n nam'akaina, ao e a boni m'au raoi iai te aonnaba.

Karikani B'aai 8:2

A in kawain raan n tiinako ake i aan te aba, ao a bono mataroan raan ake i karawa.

2.Uea 7:19

Ma e aki roko n te kakoauaa te b'ai arei te aobitia arei, e ngae ngke E boni konaa te UEA ni karaoa te b'ai arei. Ma ngaia are, e kauringnga Eritai b'a e na nooria ngkana e a koro bukina, ma e na aki kana am'arakena naba teutana.

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

Iobi 12:15

E roko te rongo ngkana E taua te karau te Atua; a roko taian ieka ngkana E kanakoi taian ran.

Iobi 28:4

n taabo aika raroanako man te tabo are e maeka te aba iai, ke taabo ike a tuai man roroko iai te aba. A keniken i nanon b'angab'anga aika nano, n taabo aika akea kaaia, a tinetine n roobu i nanon b'angab'anga.

Iobi 38:16

Ko a tia n roko ni koburaken taari are i kabin marawa ake i nano? Ko a tia n nakonako i kabin marawa?

Iobi 38:37

Antai ae rabakau ni wareki m'aitin taian nang ma ni karangai ni kab'aroi b'a taiani karau,

Taian Areru 33:7

E boboti ranin marawa n te tabo ae ti teuana; E kain taiani marawa i nanon ruu.

Taian Areru 74:15

Ko kaawa nako ranin taiani karaanga ma koburakenran; Ko kakeai ranin karaanga aika ab'ab'aki.

Taeka n Rabakau 3:20

N ana ataib'ai e katabwena marawa are i karawa ao e kanakoa nangnikarau ao e kab'aka te karau.

Itaia 24:18

Ane ko na b'aka i nanon te ruarua ngkana ko maaku ma ni biri nako; ao ngkana ko manga kawanako man te ruarua, ko na manga m'ane ni b'aai ni kam'ane. E a tia ni bwenauaaki karawa kaanga te winto ae e kaukaki. A tia n ruru bouan aan te aonnaba;

Itaia 24:19

E na rina n uruaki te aonnaba, ma ni maaerikiriki.

Ieremia 5:22

riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

Ieremia 51:16

A rurunga ranin taiani karawa n Ana taeka. E kariki taian nang b'a a na kaoti; ao E kanakoi taian ang man ana autinib'ai ao E karaoi taian iti i nanon te karau.

Etekiera 26:19

Boni Ngai ae te UEA ae te Atua ae N na onikingkami nakon aia kaawa anti. E na iekingkamii marawa

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Mataio 24:38

b'a ni boong ake i m'ain te ieka ngke a am'am'arake aomata ma ni momooi, ma n iein ni karokoa te bong are e rin iai Nooa n te kaibuke,

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

2.Betero 3:6

are uruaki iai aon te aba are ngkekei, ngke e iekaki n te ran.