Karikani B'aai 6:8 - Te B'aib'ara

⁸ Ma bon ti Nooa are E kukurei te Atua i rouna.

Karikani B'aai 6:8 ပူးပေါင်းရင်းမြစ်များ

Karikani B'aai 19:19

Kam a tia ni karaoa ae moan te korakora nako iu b'a kam a tia ni kamaiuai. Nooria, a rangi n raroa nako taian tabuki, ao ane na kauiaai kamaamaten kamaunaan Tootom i m'aain rokou n taian tabuki akekei.

Taian Areru 145:20

E kawakinia te UEA akana tangiria ni kabane, ma E na kamaunaia ni kabane akana buakaka.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taeka n Rabakau 12:2

E tangiriia aomata nako te UEA akana a maiuakina te raoiroi, ma e katuaaia aomata nako akana a karaoi taiani babaaire aika a buakaka.

Taeka n Rabakau 3:4

E na tangiriko te Atua ma aomata ao a na atongko b'a ko tokanikai.

Taeka n Rabakau 8:35

Ngkana kam kuneai ao kam na kunea naba te maiu, ao ane e na kukurei te UEA iroum.

Ieremia 31:2

I akoia aika a biri nako i nanon te rereua b'a a na rawei maiuia man te mate. I anganiia te rau, ao ngkana e roko raoi te tai, N na karaoa naba aei nako imi. Bon aei Au taeka Ngai ae te UEA.

Etekiera 14:14

E ngae ngkana a maiu Nooa, Taniera, ao Iobi i buakoia te botannaomata, ma e na bon aki kamaiuaki naba temanna n aia kakaonimaki ma bon ti ngaiia.

Mataio 24:37

Ao ai aron ana bongi Nooa rokon Natin te Aomata:

Ruka 1:30

E taku te anera nako ina, “Tai maaku, b'a E a reke i roum te akoaki mairoun te Atua.

Ruka 17:26

Aron are e riki n ana tai Nooa, ao ai aron naba are e na riki n ana tai Natin te Aomata.

M'akuri 7:46

are e a tia n reke akoana iroun te Atua. E butiia te Atua b'a E na anganna ana tai are e na kona iai ni katea nen Atuan Iakob'a ni maeka.

I-Rom 11:6

ao ngkana tiaki i bukin ana akoi ae e riki iai aei, ma i bukin te b'ai are a karaoia ana aomata, ao nanona ngkanne b'a akea koauan ana akoi.

I-Rom 4:4

E aki atongaki boon te tia m'akuri b'a te b'ai n akoi nakoina, ma e atongaki b'a boona are riai ni b'aka nakoina i bukin ana m'akuri.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

I-Karatia 1:15

Ma ngke E kukurei nanon Teuare a tia n rineai mai nanoni biroton tinau, ma ni weteai n ana akoi,

2.Timoteo 1:18

E na reke i rouna nanoangakina iroun te Uea n te bong arei! Ao ko bon atai arona ni kabane ake e karaoi i buku i Ebeto.

Tito 2:11

B'a E a tia te Atua ni kaota ana akoi i bukini kamaiuaia aomata ni kabaneia.

Tito 3:7

b'a a aonga n reke reitakira ma te Atua n ana akoi, ao e na reke b'a ara b'ai te maiu are aki toki are ti kaantaningaia.

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

2.Betero 2:5

E aki kamaiuia kaain aonnaba ake ngkoangkoa te Atua, ma E ti kamaiua Nooa are te tia tataekina nanon te Atua nakoia aomata, ao itiman riki raona, ngke E karokoa te ieka i aoia kaain te aba ake a buakaka.