Karikani B'aai 6:7 - Te B'aib'ara

⁷ Ma ngaia are, E a taku, “N nang kamaunaiia aomata aikai ake I a tia ni karikiia, n reitaki naba ma maan ni kabane aika kawakawa ma aika kibakiba, e bon raoiroi riki ngke I aki karikiia.”

Karikani B'aai 6:7 ပူးပေါင်းရင်းမြစ်များ

Karikani B'aai 6:6

ao moan te rawawata nanona i rouia ngke bon tiaki arei bukin karikaia nako aon te aonnaba. Ao E rangi n rawaawata nanona iai.

Karikani B'aai 7:21

A bane ni mate b'aai aika maiu i aon te aba, mannikiba ni kabane, maan aika kawakawa ni kabane aika buubura ma aika uarereke, ao aomata ni kabane.

Karikani B'aai 7:4

Ai ti itiua te bong ma ngkai, ao N nang karokoa te karau, ae e na b'aka i nanon abwi te bong ma te ngaina, b'a a aonga ni mate b'aai ni kabane aika maiu aika I a tia ni kariki.”

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Taian Areru 37:20

Ma a na mate akana buakaka; ane a na mauna akana riba te UEA, n ai aroni maunan tamaroan ueeni kaai: ane a na mauna n ai aroni bubun te ai.

Taeka n Rabakau 10:27

Ngkana kam karinea te UEA, ao e na bon anaanau maiumi, ngkana kam teimatoa ni kaakaraoa ae e kaairua, ao e na koreaki ni kauarerekeaki maiumi.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Otea 4:3

Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

Amota 7:3

Ao E bita nanona te UEA ao E taku, “Tera ae ko a tia n nooria Amota, N na bon aki kakoroa bukina.”

Amota 7:6

Ao E a manga bita naba nanona te UEA ao E kaangai, “E na aki koro naba bukin aei.”

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Teb'ania 1:2

E taku te UEA, “N nang kamaunai b'aai ni kabane aika i aon te aba,

Teb'ania 1:3

aomata ma maan aika a kawakawa, mannikiba, ao ika. N na kamaunaia aomata aika a buakaka. N na kamaunaia aomata n aekaia nako, ao akea ae e na tiku ni maiu, bon ana taeka te UEA.”

Te Tua-Kaua 28:63

E rangi ni kukurei te UEA ni katetekeraoingkami ma ni buoka ami botannaomata ni karikirakea ngke kam buakana te aba n taua. Ma ngkana kam aki ongotaeka nakoina ao E na manga bon rangi ni kukurei naba ni koutingkami mani wakaami.

Te Tua-Kaua 29:20

Ao E na rangi n un te UEA, ao E na aki kab'arai ami bure, ma E nang kaokoroingkami mai buakoia baronga ake tabeua. Ao i mwiina, E na kamateingkami ni kab'aka i aomi taian taeka ni kamaraia ni kabane ake n Ana Boki n Tua te Atua, ao ane e na mauna nako taekami n aki manga uringaki ni karokoa tokin aonnaba.

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa