Karikani B'aai 6:6 - Te B'aib'ara

⁶ ao moan te rawawata nanona i rouia ngke bon tiaki arei bukin karikaia nako aon te aonnaba. Ao E rangi n rawaawata nanona iai.

Karikani B'aai 6:6 ပူးပေါင်းရင်းမြစ်များ

Karikani B'aai 6:7

Ma ngaia are, E a taku, “N nang kamaunaiia aomata aikai ake I a tia ni karikiia, n reitaki naba ma maan ni kabane aika kawakawa ma aika kibakiba, e bon raoiroi riki ngke I aki karikiia.”

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

1.Rongorongo 21:15

Ao i mwiina, e kanakoa te anera ni kamaunaa Ierutarem. Ma ngke e nang waaki te anera arei, ao e a uringaaba te UEA ngke e a noori taian rawaawata ni kabane ake E a tia ni karikia nako ia aomata, ao E taku nakon te anera, “E a bati n tau rawawataia anne.” E riki aei n te tabo ni kaaki kun ni uita are ana b'ai Arauna are kaain Iebu.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 110:4

E a tia te UEA ni kab'aka ana taeka ao E aki kona ni bitia: A kaangai ana taeka, “Ko na riki b'a te ibonga ngkoe n aki toki n ai aroni Merekitereka.”

Taian Areru 119:158

I noriia taan rawa nakon am Tua, ao I ribaia; B'a a aki taua am Taeka.

Taian Areru 78:40

Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Taian Areru 81:13

Bon au kaantaninga b'a a bia ongo irou au botannaomata! A bia ongotaeka irou!

Taian Areru 95:10

Abwi au ririki n rangi n ribaia te koraki arei. Ao I taku, ‘Ai bure ra nanoia! A rawa ni kan ongeaba nakon au taeka.’

Te Otinako 32:14

E aoria ngkana E a tia ni katanoataa te UEA b'a E na kamaunaia ana aomata, ma E na manga bon bita nanona ma ni kamaiuia.

Itaia 48:18

Ai korakorara nanou n tangiringkami b'a kam na ongotaeka nakon au tua! E na riai n taorake n te karaanga ae e taonako ami tootokanikai ao tekeraoimi.

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Ieremia 18:7

Ngkana I karawawataa te botannaomata ae e buakaka ni koutiia nako ma ni kamaaenikunna,

Ieremia 26:19

Ao a manga kaeka taani kairiiri ni kaangai: Bon akea ae e tiringa Mika i bukin taekinakin anne. Ma n onean mwiin anne, e tataro Etekia nakon te UEA ma te maaku ao te ruru ao e butiia b'a e na nanoangaia. Ao i mwiin anne, e baaireia te UEA b'a E nang katoka uruan Ierutarem, e ngae ngke a tia n taekina b'a E na karaoia. Kaain Iuta, ngkana kam tiringa Ieremia, ao ti bon karokoa iai te kabuanib'ai ae e kakamaaku nakoira.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Maraki 3:6

Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

Te Tua-Kaua 32:29

Ngke kam karaoia, ao kam na noora kawaimi are kam m'ananga nako iai.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Te Tua-Kaua 5:29

Tera ngke a taromauriai n taai nako ma n ruru ni maakai, ma n ongotaeka nakon Au tua ni kabane. B'a ngkana a karaoa anne, ao a na tetekeraoi ma natiia ma ni kukurei.

Ebera 3:10

Ma ngaia are E un te Atua nakon te roro arei, Ao E kangai, ‘A aki toki ni bubure i nanoia; ao a aki atai arou nako.’

Ebera 3:17

Ao antai ake E un te Atua i rouia angaun te ririki. Tiaki ake a bure, ake a b'aka ni mate n te rereua?

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa

1.Tamuera 15:29

Ao i rarikin anne, bon tiaki te aomata Atuaia Iteraera ae akea tokina E aki taetaekina te kewe ke ni bibitaki nanona.”

1.Tamuera 15:35

E ngae ngke e nanoanga Tauro Tamuera, ma e bon aki roko n te manga noora Tauro Tamuera. Ao E bon nanokawaki te UEA ngke E rinea Tauro b'a te uea.