Karikani B'aai 6:5 - Te B'aib'ara

⁵ Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Karikani B'aai 6:5 ပူးပေါင်းရင်းမြစ်များ

Karikani B'aai 13:13

are te kaawa are a buakaka kaaina, are a bubure nakon te UEA.

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Iobi 15:16

ao e nang kanga riki n onimakinaki te aomata ngkai bon te b'ai ae buakaka, ae akiako, ae e taka i bukin te buakaka.

Iobi 22:15

Ko tabe ni iangoa te toui kawaia aomata aika buakaka?

Taian Areru 53:2

E baraaki te Atua mai karawa n tarataraia aomata, ni kan noriia b'a antai i buakoia ae wanawana ae ukoukora te Atua.

Taeka n Rabakau 6:18

aomata aika a babaairei waaki aika a buakaka ke a biri m'aaka nakon karaoan ae e bure,

Te Minita 7:29

Iai te b'ai teuana ae I ataia: Ti rangi n raoiroi ngkoa ngke e moan karikiira te Atua, ma ngkai a tia ni b'aoua ara iango.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Etekiera 8:12

E taku te Atua, Etekiera, ko na noori b'aai aika a kakamaaku aika a karabai ni karaoi taani kairiiri mai Iteraera? A kaona nanon te ruu n taiani bouannanti. Ao a taku b'a I aki konaa nooriia, i bukina b'a a taku b'a I a tia ni kiitana Iteraera.

Etekiera 8:9

Ao E taku te Atua, Riin. Noori aron kakamaakun ma buakakan aia m'akuri aomata.”

Mataio 15:19

B'a a nako man te nano iango aika buakaka aika kaira te aomata b'a e na tiritiri, e na wene ni bure ma te ainenum'a, e na wene ni bure ma te aine ae akea buuna, e na iraa, e na bukibuki ni kewe, ao e na taekini baika aki raraoi b'a taekaia aomata tem'angina.

Mataio 24:37

Ao ai aron ana bongi Nooa rokon Natin te Aomata:

Ruka 17:26

Aron are e riki n ana tai Nooa, ao ai aron naba are e na riki n ana tai Natin te Aomata.

Te Tua-Kaua 29:19

E ngae ngkana bon Iteraera ngkoe ae ko atai ni kabane kanoan te boraraoi ma te UEA, ma E na bon aki naba kakab'aiako ngkana ko kakaitaraa. Ko na taku i nanom b'a ko kona ni karaoia ao akea tuaam, ma ko na karika te kangaanga nakoia Iteraera ni kabane b'a a na katuaaeaki naba ma ngkoe.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.