Karikani B'aai 6:4 - Te B'aib'ara

⁴ Ao a mena i aon te aba aomata aika taian toa ni boong akekei, ake aia kariki taian aine ake bon aomata ma natiia kaaini karawa. Ao boni ngaiia aomata aika a kakannato ma ni korakora n taai ake ngkoa.

Karikani B'aai 6:4 ပူးပေါင်းရင်းမြစ်များ

Karikani B'aai 11:4

Ao a taku, “Ti nang karaoa ngkai te kaawa ae buubura ae iai tauana ae roota karawa, b'a ti na karekea atongara iai, ao ti na aki manga uamaae nako n te aonnaba.”

Warekaia Iteraera 13:33

Ao ti bon nooriia raoi kaain Nebiri ake boni ngaiia aia bakatibu kaain Anaka. A bon rangi ni buubura n te aro are ti a taku b'a kaanga ai aron taian taake ngaira.”

Warekaia Iteraera 16:2

ao a uaia ni baaireia ngaiia ake aman b'a a na kaitaraa Moote. Ma ngaia are, a bubuti uabubua nimangaun taani kairiri aika a kinaaki b'a buokaia, ao a bane n roko ni kawara Moote

Te Tua-Kaua 2:11

A aranaki irouia kaain Moaaba b'a taian Emim, ao tabeman a kabongana te ara ae Rebaim i bukiia taian Anakim ao taian Emim.

Te Tua-Kaua 3:11

Te uea ae Oka bon te kabanea mai buakoia taian Rebaim E karaoaki man te b'a ae roro ae matoatoa, ao bon 13.5 te buuti ab'akina ao 6 te buuti rababana.

1.Tamuera 17:4

Ao iai aia boto kaain Biritia ae arana Koria are kaain te kaawa are Kata, ao ruaiwa tabun te buuti ab'akina.