Karikani B'aai 6:17 - Te B'aib'ara

¹⁷ N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

Karikani B'aai 6:17 ပူးပေါင်းရင်းမြစ်များ

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Karikani B'aai 6:13

Ao E taku te Atua nakon Nooa, “I a tia ni baaireia b'a N na kamaunaia aomata ni kabane. N na tiringiia n akea nikiraia, i bukina ngkai e a onrake te aonnaba n aia m'akuri ni kakam'arua.

Karikani B'aai 6:16

Karaoa autina i aona, ao karekea te uki i marenan autina ma oon rarikina n te m'aiti ae 44 te tientemiita. Karaoi 3 bwiana, ao karaoa mataroana i rarikina.

Karikani B'aai 6:7

Ma ngaia are, E a taku, “N nang kamaunaiia aomata aikai ake I a tia ni karikiia, n reitaki naba ma maan ni kabane aika kawakawa ma aika kibakiba, e bon raoiroi riki ngke I aki karikiia.”

Karikani B'aai 7:15

A bane n rinnako ma Nooa nako nanon te kaibuke b'aai ni kabane aika maiu, aika mm'aane ma aine,

Karikani B'aai 7:17

Ao e reiti nako b'akan te karau i nanon abwi te bong, ao e tabe ni iabuti te ran n te aro are e a betirake te kaibuke mai aon te aba.

Karikani B'aai 7:4

Ai ti itiua te bong ma ngkai, ao N nang karokoa te karau, ae e na b'aka i nanon abwi te bong ma te ngaina, b'a a aonga ni mate b'aai ni kabane aika maiu aika I a tia ni kariki.”

Karikani B'aai 9:9

“N na karaoa ngkai Au boraraoi ma ngkami ao nakoia naba kanoami,

Iobi 22:16

A uotaki nako n te ieka e ngae ngke a tuai n roko aia tai.

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Taian Areru 29:10

E tautaeka te UEA mai aon ana kaintokanuea b'a bon Ngaia Uean te ieka n aki toki.

Te Otinako 14:17

N na karaoia kaain Aikubita b'a a na rangi n taningamatoa n te aro are a na bon waaki naba n rimwimi, ao e na manga karineaki naba arau i bukin au tokanikai i aon te uea ma ana taanga ni buaka, ana kaa ni buaka, ao ana taan kabuti kaa ni buaka.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 54:9

I berita ngkoa i nanon Nooa b'a N aki manga kamaunaa te aonnaba n te ieka. Ao Ngkai I a manga berita b'a b'a N na aki manga un iroumi ke ni katuaaingkami.

Etekiera 34:11

I tuangkami Ngai ae te UEA b'a N nang bon kaawakiniia Au tiibu ma n tararuaia

Etekiera 34:20

Ma ngaia ae N na kakaokoroia aika a korakora ma aika a mamaara Ngaia ae te UEA ae te Atua.

Etekiera 5:8

Ngkai a na mataku botannaomata aikai ngkana I a kaaitaraingkami ni katuaaingkami

Etekiera 6:3

Kam na ongora, ngkami aika maunga ma tabuki ao taiani m'arua nako ma karaanga aika a uarereke! N nang kaitaraingkami Ngai ae te UEA ma ni kamanatuaingkami taabo ni bane ike a taromauriaki iai antiia ianena.

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Nakoaia Ibonga 26:28

ao ikanne are I a boni karokoi naba ami bong i bukin ami bure.

Amota 9:6

E karaoa mwengana te UEA i karawa, ao aon te aba b'a te aana. E wetei raan mai i aan taari ao E kab'aroi i aon te aba. Bon te UEA arana!

Mataio 24:39

ao akea te bae a ataia ni karokoa e roko te ieka ao e uotiia nako ni kabaneia; ao ai arona naba ngkana E roko Natin te Aomata.

Ruka 17:27

A am'am'arake ao a momooi; a iein ao a kaieinaki, ni karokoa te tai are e rin Nooa iai i nanon te aake; ao e roko te ieka ao e tiringiia ni kabaneia.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

2.Betero 2:5

E aki kamaiuia kaain aonnaba ake ngkoangkoa te Atua, ma E ti kamaiua Nooa are te tia tataekina nanon te Atua nakoia aomata, ao itiman riki raona, ngke E karokoa te ieka i aoia kaain te aba ake a buakaka.