Karikani B'aai 50:5 - Te B'aib'ara

⁵ I m'aain maten tamau, ao e tuangai b'a N na berita b'a N na tauna rab'atana n te b'angani matang are e a tia ni katauraoia n te aba are Kanaan. Ma ngaia are, I butiiko b'a ko na kariaia b'a N na nako moa n tauna rab'atan tamau, ao i mwiina I a manga okirikaaki.”

Karikani B'aai 50:5 ပူးပေါင်းရင်းမြစ်များ

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Karikani B'aai 48:21

Ao e taku Iakob'a nakon Ioteb'a, “N aron ae kam nooria, ao e a kaan mateu, ma E na memena iroum te Atua ma ni manga kaokiko rikaaki nako abaia am bakatibu.

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

Karikani B'aai 50:4

Ao ngke e a bane bongin te tanginiwenei i bukina, ao e taku Ioteb'a nako ia ana aobitia, “Taiaoka ma nikira au rongorongo aio nakon te uea:

Karikani B'aai 50:6

Ao e taku te uea, “Naako tauna tamam n aron are ko berita b'a ko na karaoia.”

2.Rongorongo 16:14

Mai m'aaina, ao bon iai ruanimaten Ata ae e a tia n ekeaki n te tabuki are e b'a i Ierutarem. Ma ngaia are, e bon taunaki ikekei, ao e kanoaaki te ruanimate arei ni b'aai ni kaboiarara, ao taiani b'a aika boiarara. Ao i mwiina, a karaoa aia kaura ai aomata i bukin karineana.

Iobi 30:23

I ataia b'a Ko uotai nakon te mate, nakon te tabo are tokiia aomata ni kabane.

Taian Areru 79:3

A bane ni mate aomata i aon Ierutarem, Ao akea ae tiku ni maiu ae na tauniia maate.

Te Minita 12:5

Ane ko na maaku n tam'arakea te tabuki ke ni kabuanib'ain nanon te kawai; Ane e na mainaina iran atuum kaanga ueen te amon. Ane ko na aki namakina te marurung, ao ko na kookookiko kaanga te taake. Ti na nako naba ngaira n tatabemaniira nakon mwengara are akea tokina, ao e na onrake nanon te kawai irouia aomata aika a tanginiwenei. Ti na bane n nako ni mwengara are aki totoki ao ana bane n onrake kaawa irouia aika nanokawaki.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Te Minita 6:3

E konaa n rangi n ab'ab'aki maium, ao ni karikiia natim iai aika tebubua m'aitiia. Ma e raoiroi riki nakoim te ataei ae e bungiaki ni mate, ti ngkana ko kukurei n te maiu, ao ko taunaki raoi ni matem.

Itaia 22:16

Tebena, antai ae e anganiko te kariaiakaki b'a ko na karaoa am ruani mate ni b'aan rarikin te tabuki ae a na tabo te uea? Bon akea temanna am utu ae e taunaki ikai.

Mataio 27:60

ao e kawenea n ana nne ni mate ae boou, ae e ekea i nanon te b'a; ao e karabinoa te atibu ae rangi ni buubura ni kaki i matan te nne ni mate, ao e nako.

Te Tua-Kaua 4:22

Ma ngaia are, N na tiku n iteran te Ioretan aei, ma ngkami kam na ri nanon te Ioretan n taua te aba.

1.Tamuera 14:43

Ao e taku Tauro, “Ionatan, tuangai b'a tera ae ko a tia ni karaoia!” “I a tia ni kotea ana karewe te manibeeru n okou ao I kanna teutana. Ko na taetae ngkai b'a n na mate!”