Karikani B'aai 50:24 - Te B'aib'ara

²⁴ Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

Karikani B'aai 50:24 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 13:17

Ma ngaia are, ko na nako ngkai, ao ko na taraa aon te aba ni kabutaa i bukina b'a N nang anganiko ni kabane.”

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 15:7

Ao E a manga taku te UEA nakon Aberam, “Boni Ngai te UEA are I kaotinakoko mai Ura i Kareria, ao I anganiko te aba aei b'a abam.”

Karikani B'aai 15:8

Ma e kaeka Aberam, “Te UEA ae Moan te M'aaka, N na kanga n ataia b'a ai bon abau?”

Karikani B'aai 17:8

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Karikani B'aai 21:1

E kakab'aiaa Nei Taara te UEA n aron are E a tia n berita iai,

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Karikani B'aai 35:12

N na anganiko te aba are I anga ngkoa nakon Aberaam, ao nakon Itaaka, ao N na angania naba am kariki ake i mwiim.”

Karikani B'aai 46:4

N na iriingkami nako Aikubita, ao N na manga kaokiia ami kariki nakon te aba aei. E na mena i rarikim Ioteb'a ngkana ko mate.”

Karikani B'aai 47:29

Ao ngke e a kaan ana tai ni mate, ao e a wetea natina are Ioteb'a, ao e taku nako ina, “Kaamai baim b'a N na taubai ma ngkoe, ao ko na berita nako iu b'a ko na aki tauna rab'atau i aon Aikubita.

Karikani B'aai 48:21

Ao e taku Iakob'a nakon Ioteb'a, “N aron ae kam nooria, ao e a kaan mateu, ma E na memena iroum te Atua ma ni manga kaokiko rikaaki nako abaia am bakatibu.

Karikani B'aai 50:5

I m'aain maten tamau, ao e tuangai b'a N na berita b'a N na tauna rab'atana n te b'angani matang are e a tia ni katauraoia n te aba are Kanaan. Ma ngaia are, I butiiko b'a ko na kariaia b'a N na nako moa n tauna rab'atan tamau, ao i mwiina I a manga okirikaaki.”

Iobi 30:23

I ataia b'a Ko uotai nakon te mate, nakon te tabo are tokiia aomata ni kabane.

Te Otinako 12:41

N tokin te ririki ae abubua tenibwi, a bane n nako iai barongan nako ana aomata te UEA ni kiitana Aikubita.

Te Otinako 12:51

N te bong anne, ao te UEA e kairiia aia baronga Iteraera ni kaotinakoia mai Aikubita.

Te Otinako 13:19

Ao e uotii riin Ioteb'a Moote n aron ana berita ngkoa Ioteb'a are e a tia karaoia nako ia Iteraera. E kaangai ngkoa ana taeka Ioteb'a, “Kam na uoti riiu mai ikai, ngkana E kamaiungkami te Atua.”

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Te Otinako 33:1

E taku te UEA nakon Moote: Ko na kairiia aomata ni kaotinakoia mai Aikubita. Katauraoiko ngkai b'a ko na kairiia nakon te aba are I a tia ni berita iai nakoia aia bakatibu ake Aberaam, Itaaka, ao Iakob'a.

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Te Minita 12:5

Ane ko na maaku n tam'arakea te tabuki ke ni kabuanib'ain nanon te kawai; Ane e na mainaina iran atuum kaanga ueen te amon. Ane ko na aki namakina te marurung, ao ko na kookookiko kaanga te taake. Ti na nako naba ngaira n tatabemaniira nakon mwengara are akea tokina, ao e na onrake nanon te kawai irouia aomata aika a tanginiwenei. Ti na bane n nako ni mwengara are aki totoki ao ana bane n onrake kaawa irouia aika nanokawaki.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Warekaia Iteraera 32:11

Ao E taku b'a bon akea temanna mai buakoia aomata aika a koro 20 aia ririki ni maiu ngke a kitana Aikubita ae na rin n te aba are E a tia ni berita iai nakon Aberaam, Itaaka, ao Iakob'a. Akea temanna maibuakoia aomata aikai ae onimakina m'aakan te UEA,

I-Rom 5:12

Ma ngaia aei, b'a ngkai e roko te bure i aon te aba iroun te aomata ae ti temanna,

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”

Te Tua-Kaua 6:10

E berita te UEA nakoia ami bakatibu ake Aberaam, Itaaka, ao Iakob'a b'a E na anganingkami te aba aei. Ngkai, E na karokoingkami ikekei ma n anganingkami ami kaawa aika buubura, ma taian kateitei iai aika tamaroa aika kam aki karaoi,

Ebera 11:22

I bukin ana onimaki Ioteb'a, ao ngke e nangi mate, ao e taetae b'a a na oti nako tibun Iteraera mai Aikubita, ao e tua te baere e riai ni karaoaki i bukin riina.

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

Iotua 24:32

A uoti riin Ioteb'a aomatan Iteraera mai Aikubita, ao a taunna i Tekem are te m'akoro n aba are e kabooa Iakob'a ngkoa n tebubua te m'akoro n tirewa mai roun natin Amora are taman Tekem. E b'ainaki te m'akoro n aba aei i rouia kanoan Ioteb'a.