Karikani B'aai 50:17 - Te B'aib'ara

¹⁷ ao e tuangiira b'a ti na bubutiiko, ‘Ko na kab'arai aia bure tarim n aron aia kaairua ake a tia ni karaoia nako im.’ Ti butiiko ngkai b'a ko na kab'arai ara bure ake ti a tia ni karaoi, ngaira aika ana toro Atuan tamam.” Ao e tang Ioteb'a ngke e reke i rouna te rongorongo arei.

Karikani B'aai 50:17 ပူးပေါင်းရင်းမြစ်များ

Karikani B'aai 31:42

Ngke tao arona b'a E aki mena i rou Atuan tamau ake Aberaam ao Itaaka, ao ko na boni kanakoai ma te akea. Ma E bon noori au kangaanga te Atua ma au m'akuri ake I a tia ni karaoi, ao ngke e tairiki, ao E tuangko arom aika a kaairua.”

Karikani B'aai 45:8

Ma ngaia are, tiaki ngkami ae kam karokoai ikai, ma bon te Atua. E a tia ni karikai b'a te aobitia ae rietaata i roun te uea. E anganai taekan abana ni kabutaa, boni ngai te tia tautaeka i aon Aikubita ni kabutaa.

Karikani B'aai 49:25

Bon Atuan tamami ae buokingkami, Te Atua ae Moan te M'aaka ae kakab'aiaingkami N te karau mai eta ao te ran mai aan te aba, Ao taiani kakab'aia aika kao ma ataei aika m'aiti,

Karikani B'aai 50:16

Ma ngaia are, a kanakoa aia rongorongo nakon Ioteb'a ao a taku, “I m'aain maten tamara,

Karikani B'aai 50:18

Ao i mwiina, a roko tarina nako ina ma ni bobaraaki i matana ao a taku, “Aikai ngaira i matam aika am toro.”

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

Taian Areru 21:11

Ngkana a karioi aia babaire aika bubuaka n ekianako, Ao a na aki nako raoi.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Mataio 18:35

Ao anne naba aron are E na karaoia nako imi Tamau are i karawa ngkana kam aki kab'ara aia bure tarimi mai nanomi.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 6:12

Ao Ko na kab'ara ara bure mai roura, n ai arora ngkai ti kab'ara aia bure akana bure nako ira;

Mareko 10:41

Ngke a ongo aei reirei ake tengaun, ao a un irouia Iakobo ma Ioane.

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

I-Karatia 6:16

E na mena i aoia akana e reke i rouia te aro aei te rau ma te nanoangaki, ao i aoia naba ana Iteraera te Atua.

I-Ebeto 4:32

Ao kam na b'aina te i akoakoi, ma te nanoanga, ma te i kab'arabure, n ai aron te Atua ngkae E a tia ni kab'ara ami bure irouni Kristo.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.