Karikani B'aai 5:29 - Te B'aib'ara

²⁹ ao e taku, “Ni moa man te tai are E katekebuaka iai te tano te Atua ni karokoa te tai aei, ao a nang toki rawaawatau man au m'akuri iroun te tei aei.”

Karikani B'aai 5:29 ပူးပေါင်းရင်းမြစ်များ

Karikani B'aai 5:28

Ao ngke ai 182 ana ririki ni maiu Rameka, ao e a bungiaki natina te mm'aane,

Karikani B'aai 5:30

Ma ngaia are, e arana te tei arei b'a Nooa. Ao e a manga maiu riki Rameka i nanon 595 te ririki i mwiina.

Karikani B'aai 7:23

Ao E kamaunai b'aai ni kabane aika maiu te Atua i aon te aba n aroia aomata, maan, ao mannikiba. Bon ti Nooa ma raona i nanon te kaibuke ake a maiu.

Karikani B'aai 9:24

Ao ngke e a toki mangingin Nooa, ao e ongora aron natina are te bina,

Itaia 54:9

I berita ngkoa i nanon Nooa b'a N aki manga kamaunaa te aonnaba n te ieka. Ao Ngkai I a manga berita b'a b'a N na aki manga un iroumi ke ni katuaaingkami.

Etekiera 14:14

E ngae ngkana a maiu Nooa, Taniera, ao Iobi i buakoia te botannaomata, ma e na bon aki kamaiuaki naba temanna n aia kakaonimaki ma bon ti ngaiia.

Etekiera 14:20

N na manga kaokia riki. B'a e ngae ngke a maeka ikekei Nooa, Taniera ao Iobi, boni Ngai ae te UEA ae I berita b'a a na boni mate naba natiia m'aane aika a kakaonimaki aikai. Bon ti teniman aika a na kamaiuaki.

Mataio 24:37

Ao ai aron ana bongi Nooa rokon Natin te Aomata:

Ruka 3:36

are natin Kainan, are natin Arebeketiata, are natin Tem, are natin Nooa, are natin Rameka,

I-Rom 8:20

B'a b'aai ni kabane aika karikaki a bane ni kakiaki taekaia i aan te aki-nako-raoi, tiaki n oin nanoia, ma n nanon Teuare kaakiia i aana, ma te kaantaninga i bukiia,

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

2.Betero 2:5

E aki kamaiuia kaain aonnaba ake ngkoangkoa te Atua, ma E ti kamaiua Nooa are te tia tataekina nanon te Atua nakoia aomata, ao itiman riki raona, ngke E karokoa te ieka i aoia kaain te aba ake a buakaka.