Karikani B'aai 49:6 - Te B'aib'ara

⁶ N na bon aki rin i nanon aia taetae ni karaba, N na aki reitaki ma ngaiia n aia kakabowi, B'a a tiringiia aomata ni marakin nanoia ao a katoaraaia taian kao i bukin aia takakaro.

Karikani B'aai 49:6 ပူးပေါင်းရင်းမြစ်များ

Karikani B'aai 34:30

Ao e taku Iakob'a nakon Timeon ma Rewi, “Kam a tia ni karekeai n te kangaanga; ngkai a ribaai kaain Kanaan, ma taian Beritaite, ma aomata ni kabane n te aba aei. Ti na bon bane ni mate ngkana a bootia aia aomata ni buakaniira b'a bon ti tabeman ara aomata.”

2.Tamuera 8:4

E kataenikaiia tengaa itibubua taan buaka mai aoia aoti Tawita ao uabwi te ngaa tautia ake a nakonako. E kataui naba kaa ni buaka, ma e urui ni kabane ma ti tebubua mai buakoia aika e katikui.

1.Rongorongo 18:4

A reke iroun Tawita teuana te ngaa te kaanibuaka, itiua te ngaa taani buaka i aon taiani kaanibuaka, ao uabwi te ngaa tautia. Ao e katoaraaia ni kabane ma e ti katikui tebubua taian aoti.

Taian Areru 1:1

E a kab'aia te aomata ae aki iri nanoia taan reirei aika buakaka, ae aki katotoong aroia taani bure ke n raoniia aomata aika akea manenaia i bukin te Atua.

Taian Areru 103:1

N na karaoiroa te UEA ni maiu; ma b'ain nanou ni kabane, karaoiroa arana ae tabu!

Taian Areru 139:19

Te Atua, ai terana ngke Ko tiringiia akana buakaka! Ai terana ngke a katukai n aki kumeai akana iowawa!

Taian Areru 16:9

Ao I rangi ni kakaaitau ma ni kukurei, b'a I rangi ni mano raoi,

Taian Areru 26:9

Tai taeai nako n ai aron taenakoaia taani bure ao tai katuaeai ma aika mate n aron are ko karaoia nako ia aomata aika taan tiritiri,

Taian Areru 28:3

Tai uakinai nako ma akana iowawa, akana taetae ni wii-raraoi nakoia raoia, ma ribakiia ae raba i nanoia.

Taian Areru 30:12

Ma ngaia ae N aki kainab'aabu, Ma N na anenea karaoiroam, Ngkoe ae te UEA ae Atuau. N na anganiko kamoamoaam n aki toki.

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 42:5

E aera ngkae e rawaawata nanou? E aera ngkai I aki rau? N na kaantaninga te Atua, Ao N na manga neboia: B'a bon au tia kamaiu ao Atuau.

Taian Areru 43:5

E aera ngkae e rawaawata nanou? E aera ngkai I aki rau? N na kaantaninga te Atua, ao N na manga neboia, b'a bon au tia kamaiu ao Atuau.

Taian Areru 5:10

Te Atua, katuaaia; ao karika b'akaia boni man aia babaire. Kakionakoia mai matam i bukin aia bure aika a bati ma aia kakaitara nakoim.

Taian Areru 57:8

Uti teirake tamneiu! N na kauta au b'ai ni katangitang! N na kauta taai

Taian Areru 64:2

Kawakinai mairouia aomata aika buakaka aika bobotiia n iangoi m'akuri n aki ako.

Taeka n Rabakau 1:11

ngkana a kaangai, “Nakomai! Ti a katea ara kaeng ao ti a tiringiia aomata b'a ti na ngare iai!

Taeka n Rabakau 12:5

A iango n akoi aomata aika a raoiroi, ma kam na bon aki onimakina ana reirei te aomata ae e buakaka.

Ieremia 15:17

I aki kaei bootaki ni kukurei ni kakukureiai iai. Ma I kaawakinai, i bukina ngke Ko a tia ni kaonai n unim.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ruka 12:19

Ao N na kangai nako iu, ‘Nao, a bati am b'ai aika kawakinaki i bukin ririki aika na roko; aoriko am'arake, mooi, ao kim'areirei.’ ”

2.I-Korinto 6:14

Kam na tai reitaki ni m'akuri ma akana tiaki taan onimaki. B'a e na kanga ni buokanib'ai te raoiroi ma te buakaka? Ke e na kanga n i raorao te oota ma te roo?

Iotua 11:9

E karaoa tuangana Iotua i roun te UEA, ao e kam'aukui aia aoti ma ni kabuoki aia kaa ni buaka.

Tani Motiki-taeka 5:21

ao a uotaki nako ana tautia iroun te Karaanga are Kition are mangkoangkoa. N na m'aati ma te ninikoria.