Karikani B'aai 49:25 - Te B'aib'ara

²⁵ Bon Atuan tamami ae buokingkami, Te Atua ae Moan te M'aaka ae kakab'aiaingkami N te karau mai eta ao te ran mai aan te aba, Ao taiani kakab'aia aika kao ma ataei aika m'aiti,

Karikani B'aai 49:25 ပူးပေါင်းရင်းမြစ်များ

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

I-Biribi 4:19

Ao Atuau, E na anganingkami b'aai ni kabane aika a kai nanomi iai mani kaub'aina ae bati irouni Kristo Iesu.

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

Te Tua-Kaua 33:1

Bon te burabeti Moote, ao e kakab'aiaia barongan Iteraera i m'aain matena ao e kaangai:

Karikani B'aai 43:23

Ao e taku te toro arei, “Kam na aki raraoma, tai maaku. Bon Atuami are Atuan tamami ae kaoki nako imi taiani m'ane nako nanon ami baeki. B'a I bon bane ni karekei boon ami b'ai ni kabane n te tai arei.” Ao i mwiina, e a kaira Timeon nakoia.

Karikani B'aai 27:28

Ke E anganiko te Atua aoin karawa, ma ni uamaria abam. Ke E anganiko taian uanikai aika uangingi, ao wain aika moan te bati.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

Taian Areru 85:12

E na karikirakea kaub'aira te UEA, Ao e na taiaki ae bati mani marin abara.

Karikani B'aai 28:21

ao ngkana arona b'a I okirikaaki nakon au auti ma te rau, ao Ko na riki b'a Atuau.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Karikani B'aai 35:3

Ti nang kitana ikai nako Betaera, b'a N na katea te baonikarea i bukin te Atua are E buokai ngkoa i nanon au tai ni mena i nanon te kangaanga, ao E memena irou n taabo nako ike I a tia n nako iai.”

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 32:9

Ao e tataro Iakob'a ao e taku, “Atuan tibuu are Aberaam, ao Atuan tamau are Itaaka, ongora irou. Ko tuangai te UEA b'a N na nako n okira abau nakoia au koraki, ao Ko na kanakoraoi b'aai ni kabane i buku.

Karikani B'aai 48:3

Ao e taku Iakob'a nakon Ioteb'a, “E kaoti te Atua ae m'aaka nako iu i Ruti n te aba are Kanaan, ao E kakab'aiaai,

Te Otinako 18:4

Ao e taku naba, “E a tia ni buokai ma ni kamaiuai te Atua ae Tamau man tiringakiu iroun uean Aikubita.” Ma ngaia are, e arana natina te mm'aane are temanna b'a Erietera.