Karikani B'aai 49:18 - Te B'aib'ara

¹⁸ “I tataningaa am m'akuri ni kamaiu te UEA.

Karikani B'aai 49:18 ပူးပေါင်းရင်းမြစ်များ

Karikani B'aai 49:17

E na riki Taan b'a te naeta i rarikin te kawai, Te naeta ae rang ni boitin i rarikin te kawai, Are e tenai waeia taian aoti, B'a a aonga ni b'aka rikaaki taan toka i aoia.

Taian Areru 119:166

Te UEA, I kaantaninga kamaiuakiu iroum; Ao I tou mwin am Tua.

Taian Areru 119:174

Te UEA, I kainanoa am Kamaiu! I kakukureiaki n am Tua.

Taian Areru 119:41

Te UEA, kaota nako iu m'aitin tangirau iroum, Ao kamaiuai, n ai aron am Taeka.

Taian Areru 123:2

Tooro aki toki n tataara aia m'atita, ma ngaira ti na bon teimatoa n tataraiko, ni karokoa e na bon mena am nanoanga i aora.

Taian Areru 130:5

E kainano nanou ni kakantaninga ana buobuoki te UEA, Ao I onimakina ana taeka.

Taian Areru 14:7

E bia reke kamaiuan Iteraera mai Tion! Ngkana E a manga kaoka te kab'aia Te UEA nakoia ana kariki Iakob'a, ake te botannaomata ake Iteraera, Ao ane a na kim'areirei!

Taian Areru 40:1

I kakantaninga ana buobuoki te UEA: E kakauongo nako iu, ao E ongo au weewete;

Taian Areru 62:1

I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

Taian Areru 62:5

Ti te Atua mwiokoni maiu, Ao e tiku au kaantaninga i rouna.

Taian Areru 85:7

Te UEA, Ko na kaota am Tangira ae teimatoa nakoira, Ao anganira buokara ae ti na kamaiuaki iai.

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 33:2

Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

Itaia 36:8

E tangiria ni karaoa te boraraoi ma ngkami uean Aturia! E na anganingkami uoua tengaa taian aoti, ngkana iai ami taanga ni buaka aika a konaa n toka i aoia.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

B'aeb'aeti 3:25

E raoiroi te UEA nakoia ake a onimakinna.

Otea 12:7

Iteraera, ko kukurei n te kewe ao ko aonikaiia aomata tabem'aang.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Mataio 1:21

Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Mareko 15:43

ao e roko Ioteb'a ae te I-Arimataia, ae temanna ngaia ae kakannato b'a kaain te Kauntira, ae kaantaninga naba rokon Uean te Atua. E nako ni Birato ma te aki maaku, ao e butiia rab'atan Iesu.

Ruka 1:30

E taku te anera nako ina, “Tai maaku, b'a E a reke i roum te akoaki mairoun te Atua.

Ruka 2:25

N te tai anne ao iai te aomata temanna i Ierutarem ae arana Timeon. Teuaei e b'aina te maiu ae raoiroi i matan te Atua ao e kakaonimaki; e kaantaninga te tai are na buokaki iai Iteraera man rawawatana, ao e mena i rouna te Tamnei are Raoiroi.

Ruka 2:30

B'a a tia matau n nora am kamaiu nako ia aomata,

Ruka 23:51

ao e aki bobonnano ma kaain te Tanirim n aia babaire ao n aia m'akuri, ao e kakantaninga rokon Uean te Atua.

I-Rom 8:19

B'a b'aai ni kabane aika karikaki a tiku ma te ingainga ni kakantaninga te Atua are E na kaotia b'a antai aika bon natina.

I-Rom 8:25

Ma ngkana ti kaantaninga te bae ti tuai n noria, ao ti kakariaria ma te taotaonaki n nano.

I-Karatia 5:5

B'a a ingainga nanora ni kakariaria reken reitakira ma te Atua; ao ti kaantaninga aei b'a e na karaoaki ri nanon ara onimaki ni m'aakan te Tamnei.

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.