Karikani B'aai 48:15 - Te B'aib'ara

¹⁵ Ao i mwiin anne, ao e a kakab'aiaa Ioteb'a, “E bia kakab'aiaia ataei ni mm'aane aikai te Atua are a toro i rouna tamau ake Aberaam ao Itaaka. E bia kakab'aiaia te Atua are E a tia ni kairai nakon te bong aio.

Karikani B'aai 48:15 ပူးပေါင်းရင်းမြစ်များ

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 24:20

Ao e kabaikoa ni kab'aroa nikiran kanoan ana kaonteina nakon nnen nimaia maan ni kamooia maan akekei, ao e a manga biri nakon te m'anib'a n itiia riki te ran, ni karokoa a bane ni ngae raoi taiani kamero akekei.

Karikani B'aai 24:40

Ao ngaia e taku, ‘E na kanakoa Ana anera te Atua ae I ongotaeka i rouna b'a E na raoniko, ao e na kororaoi bukin ane ko m'ananga iai. Ko na karekea buun natiu te mm'aane mai buakoia au koraki, ao ana utu tamau.

Karikani B'aai 27:27

Ao ngke e roko ni kerake b'a e na kaboria ma ngaia, ao Itaaka, e aroka boin ana kunnikai, ma ngaia are, e a anganna ana kakab'aia. Ao e taku, “Ti te bo boin natiu te mm'aane ma boiararan te aba ae E a tia ni kakab'aiaa te UEA.

Karikani B'aai 27:4

Kuukana teutana kanau are mamaten nanou, ao uotia mai nako iu. Ao ngkana I tia n am'arake iai, ao N na anganiko au kabanea ni kakab'aia i m'aain mateu.”

Karikani B'aai 28:20

Ao e karaoa ana berita Iakob'a nakon te UEA, ao e taku, “Ngkana tao Ko irai mani kaawakinai ni kawaiu aei ma n anganai te am'arake ma te kunnikai,

Karikani B'aai 28:22

E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 35:3

Ti nang kitana ikai nako Betaera, b'a N na katea te baonikarea i bukin te Atua are E buokai ngkoa i nanon au tai ni mena i nanon te kangaanga, ao E memena irou n taabo nako ike I a tia n nako iai.”

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

Karikani B'aai 49:22

“Kaanga ai aron m'angan te aroka Ioteb'a ae bati uaana, Te m'aanga n aroka ae tei i rarikin te karaanga n ran; aika a rabuna aon te o m'angana.

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

Karikani B'aai 49:28

Ao aikai barongan Iteraera ake tengaun ma uoman, ao ana taeka tamaia are e taekin n ana taeka ni karaure aika tamaroa nako ia natina mm'aane n tatabemaniia nako.

Karikani B'aai 6:9

Aio rongorongon Nooa. Bon iai natina mm'aane aika teniman aika Tem, Aam ao Iabeta.

1.Uea 3:6

Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

1.Rongorongo 5:1

Bon te karimoa te m'aane Reuben iroun Iakob'a, ma e bua nakoana ni karimoa i bukina ngke e matu ma temanna buun tamana. E a manga nako te karineaki ni karimoa mai rouna, ao e a manga anganaki Ioteb'a,

Taian Areru 16:8

I tangira te UEA b'a E na mena i rarikiu n taai nako; E kaan i rarikiu, ao akea te b'ai teuana ae e konaa ni ioioai.

Taian Areru 23:1

Bon te UEA te tia kaawakinai ngkai kanga te tiibu ngai. E na aki kai nanou n te b'ai teuana

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Te Otinako 3:16

Weteia ni kabane taani kairiiri i aon Iteraera ao tuangiia b'a E a tia ni kaoti nako im te Atua are E taromauriaki irouia Aberaam, Itaaka, ao Iakob'a. Tuangiia b'a I a tia n noora buakakan kairaia i Aikubita,

Te Otinako 4:5

Ao E taku te UEA, “Ko na karaoa aei, ao ane a na kakoauako iai Iteraera b'a ko a bon tia n noorai, Ngai ae te Atua are I taromauriaki irouia aia bakatibu ake Aberaam, Itaaka, ao Iakob'a.”

Te Minita 5:12

Ngkana ko m'akuri korakora i bukin maium, ao ko na boni motirawa raoi n te tairiki, e ngae ngke e aki rangi n tau m'aitin kanam. Ma ngkana ko kaub'ai, ao ane ko na aki konaa ni matu raoi.

Te Minita 5:18

Tera te b'ai ae e rangi ni kakaawaki ae e riai ni karaoaki n te maiu ae e rangi ni uarereke ae e anganiira te Atua? I taku b'a ti riai ni kukurei n te am'aam'arake, te momooi, ao te m'akuri korakora.

Te Minita 6:7

Ti korakai i bukin karekean karara ae e tau, ma ti bon aki konaa n rauaki.

Itaia 30:21

E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

Itaia 33:16

A na maeka n taian nono aika a mena i aoni b'aa aika a rietaata, ao a na kang am'arake ao nimaia te ran.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

Te Tua-Kaua 33:1

Bon te burabeti Moote, ao e kakab'aiaia barongan Iteraera i m'aain matena ao e kaangai:

I-Korote 2:6

Ma ngaia aei, ngkai kam a tia ni butim'aea Kristo Iesu are te UEA, ao kam na maiu n reitaki ma Ngaia.

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

Ebera 11:21

I bukin ana onimaki Iakob'a ao e taetae ni kakab'aiaia natin Ioteb'a n tatabemaniia nako ngke e a kaani mate. E tei n raraa aon okona n nakonako ao e taromauria te Atua.