Karikani B'aai 48:14 - Te B'aib'ara

¹⁴ Ma e kaaibibitii baina Iakob'a ni katokaa baina are te atai i aon atun Eberaim, e ngae ngke te karimwi, ao baina are te atai i aon atun Manate are te karimoa.

Karikani B'aai 48:14 ပူးပေါင်းရင်းမြစ်များ

Karikani B'aai 41:51

Ao e taku, “E a tia te Atua ni karaoai b'a N na m'anuokin rawaawatau ma ni katoka ururingaia ana utu tamau ni kabane.” Ma ngaia are, e arana ana karimoa te mm'aane b'a Manate.

Karikani B'aai 41:52

Ao e taku naba, “E a tia n anganai natiu te Atua n te aba ae I rawaawata iai;” ma ngaia are, e arana natina te mm'aane are te kauoman b'a Eberaim.

Karikani B'aai 46:20

A riki natin Ioteb'a uoman mm'aane i Aikubita, aika Manate, ao Eberaim irouni buuna are Nei Atenata, are natin Botibera te aine, are te ibonga ae rietaata i Erioboriti.

Karikani B'aai 48:13

E kaaki Eberaim Ioteb'a i angamaingin Iakob'a, ao Manate mai ataina.

Karikani B'aai 48:17

Ao e b'ara nanon Ioteb'a ngke e noora tamana ni katokaa baina are te atai i aon atun Eberaim, ma ngaia are, e anaa bain tamana ni kam'aingnga mai atun Eberaim nakon atun Manate.

Karikani B'aai 48:18

Ao e taku nakon tamana, “Tiaki arona anne tamau. Aio te karimoa, katokaa baim ane te atai i aon atuna.”

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 118:16

Ni m'aakan baina E reke ana tokanikai! E boni m'aaka te UEA.

Te Otinako 15:6

“E kakamaaku m'aakan baim are te atai te UEA, e urua te kairiribai ni kamaerikirikia.

Warekaia Iteraera 2:18

Ao te baronga are Eberaim, e na katei auti n rianna i maeaon te Um'antabunrianna i aan aia buraeki n ikotaki ma baronga ake a m'aati ma ngaiia.

Warekaia Iteraera 8:10

ike a na katokai iai baiia aomata i aoiia.

Warekaia Iteraera 8:18

Ma, I a tia ngkai n rineia kanoan Rewi b'a oneani mwiia karimoa mm'aane,

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Mataio 19:13

Iai aomata ake a nikiria ataei iroun Iesu b'a E na kaki baina i aoia, ao E na tataro i bukiia. A takuia aomata akekei ana reirei Iesu;

Mataio 19:15

Ao E kaki baina i aoia, ao E nako.

Mataio 6:5

Ngkana kam tataro, ao tai kakairi irouia taani m'am'ana-te-aba! B'a a kan tei n tataro i nanoni m'aneabaia I-Iutaia ao i tutani kawai, b'a a aonga n noraki irouia aomata. E koaua ae I a tuangngkami b'a e a tia n reke i rouia booia mani mwin aia m'akuri.

Ruka 13:13

Ao E kaaki baina i aona, ao e a eti ngkekei naba nuukana, ao e karaoiroa te Atua.

Ruka 4:40

Ngke e a bungi taai, ao a bane aomata ake iai i rouia aia aoraki n uotiia nako Ina; ao E katokai baina i aon temanna ma temanna ao a kamaiuaki.

M'akuri 13:3

Ma ngaia are, ngke a tia n aki mamatam, ao a tia naba n tataro, ao a katokai baiia i aoia, ao a kanakoia.

M'akuri 6:6

A kaakiia i mataia taan tuatua; ao a tataro taan tuatua ao a katokai baiia i aoia.

Te Tua-Kaua 34:9

Ao i m'aain maten Moote, ao e a tia ni katokaa baina i aon Iotua, ao E a tia te UEA n angan Iotua te wanawana. Ao a kakauongo raoi Iteraera nakon baike e taekin Iotua ma n ongotaeka nakon taian tua ake E a tia te UEA n angan Moote.

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

1.Timoteo 5:22

Ko na tai kukuri ni katokaa baim i aon temanna ni katabua nakon nakoana i bukin te Uea. Ko na tai buokanib'ai n aia bure tabem'aang; ko na b'aina te maiu ae itiaki.