Karikani B'aai 48:11 - Te B'aib'ara

¹¹ Ao e taku Iakob'a nakon Ioteb'a, “I aki kantaningaia b'a N na manga nooringkami riki, ao ngkai, E a tia te Atua ni karekea au tai n nooriia natim.”

Karikani B'aai 48:11 ပူးပေါင်းရင်းမြစ်များ

Karikani B'aai 37:33

Ao e kinaa te kunnikai arei Iakob'a, ao e taku, “Eng, bon ana kunnikai. E a tia ni tiringaki i rouia maan ni kaakang. E a tia n raebitiaki Ioteb'a.”

Karikani B'aai 37:35

Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.

Karikani B'aai 42:36

Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”

Karikani B'aai 45:26

Ao a taku nakon tamaia, “E boni maiu Ioteb'a. Bon te tia tautaeka ngaia i Aikubita.” Ao e kubanako Iakob'a n te rongorongo arei, ao e aki kakoauaia.

Karikani B'aai 48:10

Ao e aki rangi n noraaba matan Iakob'a b'a e a rangi ni kara, ao e a aki kona n taratara raoi. Ao e uotiia ana ataei ni mm'aane Ioteb'a, ao e rab'atiia ma ni kiiti ma ngaiia.

Karikani B'aai 48:12

Ao i mwiina, e anaia natina Ioteb'a mai aon waen Iakob'a, ao e bobaraaki i matana ni kabooa matana ma aontano.

Taian Areru 128:6

E na teimatoa maium b'a ko aonga n noriia tibum! E na mena te rau i aoia Iteraera!

Taeka n Rabakau 17:6

A kakatonga aia karo tamaia ma tinaia irouia tibuia, ao a na riai ni kakatonga naati irouia aia karo.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora: