Karikani B'aai 47:31 - Te B'aib'ara

³¹ Ao e taku Iakob'a, “Berita nako iu b'a ko na karaoa anne.” Ao e berita Ioteb'a nako ina, ao e anga ana kaaitau Iakob'a mai aon ana kainiwene.

Karikani B'aai 47:31 ပူးပေါင်းရင်းမြစ်များ

Karikani B'aai 21:23

Ma ngaia are, kam na karaoa ami berita ikai i matan te Atua b'a kakoauaan ae kam na bon aki kam'aneai ma au koraki n ataei, ke kanoau rimwi. I a tia ni kakaonimaki nakoim, ma ngaia are, ko na kakaonimaki naba nako iu, ao nakon te aba aei ae ko maeka iai.”

Karikani B'aai 21:24

Ao e taku Aberaam, “I berita.”

Karikani B'aai 24:2

Ao e taku nakon ana toro are te kabanea n ikawai are Erietera, are boni ngaia are e tararuai ana b'ai Aberaam ni kabane, “Ko na anganai baim

Karikani B'aai 24:26

Ao e katorobubua te mm'aane arei n taromauria te UEA.

Karikani B'aai 24:3

b'a I tangiria ni berita ma ngkoe n aran te UEA, ae Atuan karawa ma aonnaba, b'a ko na aki karekea buun natiu te mm'aane mai buakoia kaain Kanaan.

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

Karikani B'aai 47:29

Ao ngke e a kaan ana tai ni mate, ao e a wetea natina are Ioteb'a, ao e taku nako ina, “Kaamai baim b'a N na taubai ma ngkoe, ao ko na berita nako iu b'a ko na aki tauna rab'atau i aon Aikubita.

Karikani B'aai 50:25

Ao i mwiina, e a bubuti Ioteb'a nako ia ana aomata b'a a na berita, ao e taku, “Kam na berita nako iu, b'a ngkana E kairingkami te Atua nakon te aba arei, ao kam na uota naba rab'atau ma ngkami.”

Karikani B'aai 50:5

I m'aain maten tamau, ao e tuangai b'a N na berita b'a N na tauna rab'atana n te b'angani matang are e a tia ni katauraoia n te aba are Kanaan. Ma ngaia are, I butiiko b'a ko na kariaia b'a N na nako moa n tauna rab'atan tamau, ao i mwiina I a manga okirikaaki.”

1.Uea 1:47

Ao ongora aia taeka ana aobitia Toromon nakon Tawita, “Bon ara tataro b'a E na buoka Toromon Atuam ni karikia b'a te uea ae e korakora riki nakoim.” E wene Tawita i aon ana kainiwene n te tai arei ma e bobaraaki

Ebera 11:21

I bukin ana onimaki Iakob'a ao e taetae ni kakab'aiaia natin Ioteb'a n tatabemaniia nako ngke e a kaani mate. E tei n raraa aon okona n nakonako ao e taromauria te Atua.