Karikani B'aai 47:24 - Te B'aib'ara

²⁴ Ao ngkana e roko tain te tai, ao kam na anga kanimam'akoron ami tai nakon te uea, ao kam kona ni kabongana nikiran ami ati, b'a kanami ma ami utu.”

Karikani B'aai 47:24 ပူးပေါင်းရင်းမြစ်များ

Karikani B'aai 14:20

E na neboaki te Atua ae Moan te Rietaata are E anganiko te tokanikai i aoia am kairiribai.” Ao Aberam e angan Merekitereka teuana te katebwina man b'aai ake e uoti rikaaki man te buaka.

Karikani B'aai 14:21

Ao e taku uean Tootom nakon Aberam, “Kawakin b'aai akanne, ma ko na ti kaokiia au aomata nako iu.”

Karikani B'aai 28:22

E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

Karikani B'aai 41:34

Ko riai naba n rineia taian aobitia tabeman ake a na taia kanima m'akoron uaan aon te aba i nanon itiua te ririki ni mari.

Karikani B'aai 47:23

Ao e taku Ioteb'a nako ia aomata, “Kam nooria ngkai b'a I a tia ni kabooingkami ma abami ni kabane b'a ana b'ai te uea. Ao aikai taian ati i bukin unikakin kanoan ami tawaana.

Karikani B'aai 47:25

Ao a taku, “Ko a tia ni kamaiura. Ko a tia ni karaoa te m'akuri ae e raoiroi nako ira, ao ti kukurei n riki b'a a na toro te uea.”

Taian Areru 112:5

E a kab'aia te aomata ae tituaraoi ae kariaia aomata b'a a na tangoi ana b'ai, ao e aki b'aina te babakanikawai.

Taian Areru 41:1

A kab'aia akana mutiakiniia akana akea aia b'ai; E na buokiia te UEA ngkana a reke n te kaangaanga.

Nakoaia Ibonga 27:30

Tebwina te betienti man uaan ami tai ni kabane aika kam karekei man kaai n am'arake aika a riki i nanon ami tawaana, ke aika arokami a bon tabu ao bon au b'ai.

Nakoaia Ibonga 27:32

Ngkana kam wareki ami mannikiba ma ami nanai ni man aika kawakawa, ao ngkanne temanna man tengaun akana a tib'a bungiaki e tabu ao bon au b'ai,

Warekaia Iteraera 18:21

Au b'ai 10 te betienti man uaan arokaia Iteraera, ao tebwina te betienti man aia man aika karimoa. Ma I anga baikai ni kabane nako ia kanoan Rewi b'a booia i bukin aia m'akuri are a karaoia n te Um'antabunrianna,

Te Tua-Kaua 14:22

Kaain Iteraera, kam na kaokoroi katebwina ni m'akoron ami uita ake kam tai ni katoa ririki.

Te Tua-Kaua 26:12

Kam na anga teuana te katebwina ni m'akoro man uaan ami tai ni katoa ririki nakon te UEA. Ma kam na anga teuana te katebwina mani m'akoron uaan ami tai n te katenua n ririki nakoia aika kainano aika maeka n ami kaawa, n reitaki naba ma kanoan Rewi, iruwa, ataei aika akea aia karo, ao aine aika mate buuia. B'a a na reke kanaia ae tau n te aro anne.