Karikani B'aai 47:19 - Te B'aib'ara

¹⁹ Taiaoka, buokiira, ti a mate. Tai kariaia b'a a na riki ara tawaana b'a taian rereua. Kabooira ma abara n te am'arake. Ti na riki b'a am toro, ao ko na aban naba abara. Anganiira karara te uita b'a ti aonga ni maiu, ao anganiira naba taian ati b'a ti na uniki n ara tawaana.”

Karikani B'aai 47:19 ပူးပေါင်းရင်းမြစ်များ

Karikani B'aai 41:36

A na riki am'arake akanne b'a am'arake i nanon ririki n rongo ake itiua ake a nang roko i aon Aikubita. Ao a na aki mate aomata n te aro anne.”

Karikani B'aai 47:15

Ao ngke e a boni bane m'anen Aikubita ma Kanaan, ao a roko kaain Aikubita ma ni bubuti nakon Ioteb'a ma n taku, “Taiaoka anganiira te am'arake, ti a kaani mate. Buokiira. A bane ara m'ane.”

Karikani B'aai 47:18

Ao n te ririki are i mwiina, ao a manga roko iroun Ioteb'a, ao a taku, “Ti a bon aki karaba te b'ai teuana Ioteb'a b'a a bon bane ara m'ane, ao a bane ni mena ara man aika kawakawa iroum. Ai bon akea riki ara b'ai n tiku ma ai bon ti rab'atara, ao abara.

Karikani B'aai 47:20

Ao e kabooi aaba ni kabane ake i Aikubita Ioteb'a b'a aban te uea. Ao bon akea te I-Aikubita ae e na aki kabooa nako abana i bukin korakoran te rongo arei, ao a bane aaba n riki b'a aban te uea.

Iobi 2:4

Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

B'aeb'aeti 1:11

A tang ni korakai aomatana ngke a kakaei kanaia; A rairi aia b'ai nakoia tabem'aang n te am'arake b'a aonga n aki mate. E a tang Ierutarem nakon te UEA, “Taiaoka te UEA, taraa rawaawatau.”

B'aeb'aeti 5:6

Ti nako ni bubuti te am'arake i Aikubita ao i Aturia i bukin korakoran te baki.

B'aeb'aeti 5:9

Ti nako ni kakaei karara i tinanikun te kaawa, are nneia taan kam'arua.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?