Karikani B'aai 47:17 - Te B'aib'ara

¹⁷ Ma ngaia are, a uoti aia man aika taian aoti, tiibu, kooti, kao, ao taian aati nako ina b'a booni kanaia. Ao e anganiia aomata kanaia n te ririki anne, ao e anai aia man ni kabane b'a boon kanaia.

Karikani B'aai 47:17 ပူးပေါင်းရင်းမြစ်များ

Karikani B'aai 47:16

Ao e taku Ioteb'a, “Uoti mai ami nanai ni maan aika kawakawa; N na kabooa kanami n ami man ngkana arona b'a a boni bane ami m'ane.”

Karikani B'aai 47:18

Ao n te ririki are i mwiina, ao a manga roko iroun Ioteb'a, ao a taku, “Ti a bon aki karaba te b'ai teuana Ioteb'a b'a a bon bane ara m'ane, ao a bane ni mena ara man aika kawakawa iroum. Ai bon akea riki ara b'ai n tiku ma ai bon ti rab'atara, ao abara.

1.Uea 10:28

A kabooi ana aoti ao ana kaa-ni-buaka Toromon ana taani kabob'ai man aonon Muturi ao Kue. A kabooi e kaaniia itiua te kirokuraem te tirewa i bukin aia kaanibuaka,

Iobi 2:4

Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

Te Otinako 9:3

E na katuaaeako ni karokoa te aoraki ae e kakamaaku i aoia ami man ni kabane, ami aoti, aati, kaamero, kao, tiibu, ao kooti.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Mataio 6:24

Akea te aomata ae kona n toro irouia tooka uoman: b'a ane e na riba temanna, ao e na karinea are temanna. Kam aki kona n toro iroun te Atua ma kaub'ain te maiu aei.