Karikani B'aai 47:12 - Te B'aib'ara

¹² Ao e katauraoa te am'arake Ioteb'a i bukin tamana, ma tarina, ao ana utu tamana ni kabane, n reitaki naba ma teuare te bina.

Karikani B'aai 47:12 ပူးပေါင်းရင်းမြစ်များ

Karikani B'aai 45:10

Kam kona ni maeka n te tabo are Koten, b'a kam aonga ni kaani ma Ngai; ngkami ma ami ataei, tibumi, ami tiibu, ami kooti, ami kao, ao ami b'aai ni kabane.

Karikani B'aai 45:11

N na kona n tararuaingkami ngkana kam maeka i Koten. Ai ti nimaua riki ririkin te rongo; ao I aki tangiringkami b'a kam na mate ni baki ma ami utu, ma ami nanai ni man aika kawakawa.’

Karikani B'aai 45:7

E karimoaai te Atua, b'a N na kamaiungkami n te aro ae kamimii aei, ao ni kakoauaa naba b'a kam na maiu, ao a na maiu naba ami kariki.

Karikani B'aai 47:1

Ma ngaia are, e kairiia tarina aika niman Ioteb'a, ao e nako ma ngaiia ni kawara te uea, ao e taku nako ina, “A tia n roko tamau ma tariu mai Kanaan ma aia nanai ni man, ma aia nanai n tiibu, ao aia b'ai ni kabane. Ao a mena ngkai n aonon te kaawa are Koten.”

Karikani B'aai 47:21

Ao e karikiia aomata ni kabane Ioteb'a b'a tooro mai tabon Aikubita nako tabona.

Karikani B'aai 47:24

Ao ngkana e roko tain te tai, ao kam na anga kanimam'akoron ami tai nakon te uea, ao kam kona ni kabongana nikiran ami ati, b'a kanami ma ami utu.”

Karikani B'aai 50:21

Bon akea te b'ai ae kam na maakua. N na kaawakiningkami ma ami ataei.” Ma ngaia are, e anganiia taeka ni karaunano aika a roota nanoia.

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Itaia 22:24

A na boutokaaki ana koraki n ataei ao ana utu i rouna, kaanga taian baan aika a tinetine i aon b'ai ni katinetine i aon te oo.

1.I-Tetaronike 2:7

E boni ngae ngke iai ara kona n tangiri b'aai i bukira mai roumi, ngkai ana tia tuatua Kristo ngaira; ma ti nimamannei i buakomi, n ai aron te tia tob'a ngkana e akoia oin natina.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

1.Timoteo 5:4

Ma ngkana iai natin ke tibun te aine ae kananoanga ae e mate buna, ao a na reireiaki moa aroia ni karaoi tabeia aika a aanaki n ana kaantaninga te Atua nakoia oin aia utu, ma ni kabooa akoakiia irouia aia karo ma tibuia: b'a e riai aei i matan te Atua.

1.Timoteo 5:8

Ma ngkana e aki karekei baika riai te aomata i bukiia ana koraki, ao ai moa ra riki i bukin oin ana utu, ao kaotana b'a e a kaaki taekan te onimaki, ao e a buakaka riki nakon are tiaki te tia onimaki.

Ruuta 4:15

E bon tangiriko natim, e a tia ni karaoa ae korakora riki nakoia itiman naati m'aane, ao ngkai, e a tia ni bungia tibum are e na anganiko te maiu ae boou, ao e na kawakiniko ngkana ko a kara.”