Karikani B'aai 46:4 - Te B'aib'ara

⁴ N na iriingkami nako Aikubita, ao N na manga kaokiia ami kariki nakon te aba aei. E na mena i rarikim Ioteb'a ngkana ko mate.”

Karikani B'aai 46:4 ပူးပေါင်းရင်းမြစ်များ

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 48:21

Ao e taku Iakob'a nakon Ioteb'a, “N aron ae kam nooria, ao e a kaan mateu, ma E na memena iroum te Atua ma ni manga kaokiko rikaaki nako abaia am bakatibu.

Karikani B'aai 50:1

Ao e b'aka Ioteb'a i aon tamana n tang ma ni kiiti ma ubuna.

Karikani B'aai 50:13

a uota rab'atana nako Kanaan, ao a taunna n te b'angani matang are i Makebera i mainikun Mamre n te tawaana are e kabooa Aberaam mairoun Eberon are te I-Itaite b'a aia tabo n taunimate.

Karikani B'aai 50:5

I m'aain maten tamau, ao e tuangai b'a N na berita b'a N na tauna rab'atana n te b'angani matang are e a tia ni katauraoia n te aba are Kanaan. Ma ngaia are, I butiiko b'a ko na kariaia b'a N na nako moa n tauna rab'atan tamau, ao i mwiina I a manga okirikaaki.”

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.