Karikani B'aai 46:2 - Te B'aib'ara

² Ao E taetae te Atua nakoina n te mii ngke e a bong, ao e weteia, “Iakob'a! Iakob'a!” Ao e taku Iakob'a, “Oo! aio ngai.”

Karikani B'aai 46:2 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Karikani B'aai 20:3

Ao n te tairiki teuana, ao e kaoti te Atua nako ina n te mii ao E taku, “Ko nangi mate b'a ko a tia n anaa te aine ae iai buuna.”

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Karikani B'aai 22:11

Ma E weewete aneran te UEA mai karawa ao e taku, “Aberaam, Aberaam!” Ao e kaeka Aberaam, “Aio ngai.”

Karikani B'aai 31:11

E taetae nako iu te UEA n te mii ao E taku, ‘Iakob'a!’ Ao I kaeka, ‘O,’

2.Rongorongo 26:5

Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

Iobi 4:13

E aki karaua matu, kaanga ai aron te mii ae moan te kakamaaku.

Taniera 2:19

Ao ni bon te tairiki naba arei, ao e a kaotaki nanon te mii arei nakon Taniera n te kaotioti, ao e neboa Atuani karawa ni kaangai,

Tekaria 1:8

ao E taetae te UEA nako iu n te mii n te tairiki teuana: n te m'arua teuana ae e mena i buakon taian aroka aika motere. I a noora temanna te m'aane ae e toka i aon te aoti ae e uraura, ma taan toka i aoia aoti i akuuna aika a toka i aon taian aoti aika a uraura, buraun ao aika a mainaina.

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Warekaia Iteraera 24:4

E roko mairoun te UEA te Atua ae Moan te M'aaka. I bobaraaki nako Ina, ao I noora te kaotioti i bukiia Iteraera.

M'akuri 10:13

E roko i rouna te b'ana ae kaangai, “Betero, teirake, tiring, ao kaang!”

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 16:9

E nora kaanga te mii B'auro e bong: e tei te aomata temanna ae te I-M'aketonia ni butiia, ao e kaangai, “Nako mai nako M'aketonia ni buokira!”

M'akuri 9:10

E mena i Tamateko te reirei temanna ae arana Anania; ao E taku te UEA nakoina n te baere e noria kanga n te mii, “Anania!” Ao ngaia e kaangai, “Te UEA, noria, aio ngai!”

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

Tani Motiki-taeka 7:2

Ao E taku te UEA, “Kiteon, a rangi ni m'aiti kaain am taanga ni buaka. I aki kona n anganiko te tokanikai ngkai a rangi ni m'aiti kaaina. B'a ane a na taku Iteraera b'a a tokanikai i boni irouia, ao akea te b'ai ae I karaoia nakoia.

Tani Motiki-taeka 7:9

Ao E taku te UEA nako Kiteon n te tairiki anne, “Teirake ngkai, ao buakana aia maeka kaain Miiria. N na anganingkami te tokanikai i aoia,

1.Tamuera 3:10

Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!” Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”

1.Tamuera 3:4

ao E wetea aran Tamuera te UEA. Ao e kaeka Tamuera, “Aio ngai!”