Karikani B'aai 46:1 - Te B'aib'ara

¹ Ao e katauraoi b'aai ni kabane Iakob'a, ao e nako Beerateb'a, ao e anga taiani karea nakon Atuan Itaaka, are tamana.

Karikani B'aai 46:1 ပူးပေါင်းရင်းမြစ်များ

Karikani B'aai 12:8

Ao i mwiin anne, ao e a manga m'ananga nako aiaki nakon te aba are tabukibuki are i mainikun te kaawa ae buubura are Betaera, ao e katea ana maeka i marenan Betaera are i maeao ma Ai are i mainiku. E katea naba ikanne ana baonikarea, ao E taromauriia te UEA.

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

Karikani B'aai 21:31

Ao e a aranaki te tabo arei b'a Beerateb'a i bukina ngke a karaoa aia berita ikekei ngaiia ake uoman.

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

Karikani B'aai 22:13

Ao e taratara nako Aberaam, ao e noora te tiibu te teei ae bae korona n taiani m'aanga ni kai. E nako n anaia, ao e anga b'a ana karea ni kabuokaki n onea mwiin natina te mm'aane.

Karikani B'aai 28:10

Ao e kitana Beerateb'a Iakob'a, ao e nako Aran.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 31:42

Ngke tao arona b'a E aki mena i rou Atuan tamau ake Aberaam ao Itaaka, ao ko na boni kanakoai ma te akea. Ma E bon noori au kangaanga te Atua ma au m'akuri ake I a tia ni karaoi, ao ngke e tairiki, ao E tuangko arom aika a kaairua.”

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

Karikani B'aai 35:3

Ti nang kitana ikai nako Betaera, b'a N na katea te baonikarea i bukin te Atua are E buokai ngkoa i nanon au tai ni mena i nanon te kangaanga, ao E memena irou n taabo nako ike I a tia n nako iai.”

Karikani B'aai 35:7

Ao e karaoa te baonikarea ikekei, ao e aranna b'a “Atuan Betaera,” i bukina ngke E kaoti te Atua nakoina ikekei ngke e birinako mairoun tarina.

Karikani B'aai 4:4

Ao e a manga uota ana tiibuteteei ae te moani bungiaki teuare Abera, ao e tiringnga, ao e anga m'akorona ake a raraoi b'a ana karea. Ao E kukurei te UEA iroun Abera i bukin ana karea,

Karikani B'aai 45:28

Ao e taku, “E boni maiu natiu are Ioteb'a. Bon ti anne te b'ai ae I kan ongo taekana. N nangi nako ngkai n nooria i m'aini mateu.”

Karikani B'aai 8:20

Ao e karaoa te baonikarea Nooa i bukin te UEA, ao e anaa kakatemanna te man ae kawakawa mai buakoia maan aika kawakawa ake a itiaki, ao mani mannikiba naba ake a itiaki, ao e kabuoki ni kab'anini b'a taiani karea i aon te baonikarea.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Amota 7:9

E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

M'akuri 7:15

Ao e wairio nako Aikubita Iakob'a ma ana utu, ao a mate iai.

Iotua 24:4

Ao I angan Itaaka Iakob'a ma Etau. I a angan Etau aaba ake a tabukibuki i Etom b'a abana, ao ami bakatibu are Iakob'a e nako Aikubita ma natina.

1.Tamuera 3:20

Ao e bane n ataaki irouia aomata ni kabane man te kaawa are Taan are i meang nakon te kaawa are Beerateb'a are i maiaki, b'a Tamuera bon Ana burabeti ni koaua te UEA.

1.Tamuera 8:2

Natina are te karimoa bon Ioera, ao te karimwi bon Abiia. Ao ngke a kara Tamuera, ao e karikiia b'a taani kairiiri i Beera Teba.