Karikani B'aai 45:5 - Te B'aib'ara

⁵ Kam na aki nanokawaki, ke ni bukiningkami i bon iroumi i bukina ngke kam kabooai nako ikai. Bon te Atua ae kanakoai n ri moami nako ikai b'a N na kamaiuia aomata.

Karikani B'aai 45:5 ပူးပေါင်းရင်းမြစ်များ

Karikani B'aai 37:28

Ao ngke a manga m'ananga I-Miria i rarikiia, ao a katikaarake Ioteb'a mai nanon te m'anib'a ma ni kabooa nako n te bo ae uabwi te m'akoro n tirewa nakoia tibun Itimaera, ao a uotia nako tibun Itimaera nako Aikubita.

Karikani B'aai 47:25

Ao a taku, “Ko a tia ni kamaiura. Ko a tia ni karaoa te m'akuri ae e raoiroi nako ira, ao ti kukurei n riki b'a a na toro te uea.”

Karikani B'aai 50:19

Ma e taku Ioteb'a nako ia, “Kam na aki maaku; I aki kona n anaa nakoan te Atua.

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

Karikani B'aai 50:21

Bon akea te b'ai ae kam na maakua. N na kaawakiningkami ma ami ataei.” Ma ngaia are, e anganiia taeka ni karaunano aika a roota nanoia.

2.Tamuera 12:12

Ko kakaraoa te m'akuri ni karabaa, ma N na kaotia nakoia Iteraera ni kabane b'a a na nooria.”

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

Etita 4:14

Ngkana ko aki kakarongoa n te aekaki n tai aei, ao ane e na roko te buoka mai karawa nakoia taian I-Iutaia, ao ane a na kamaiuaki, ma ane ko na mate ngkoe ma ana utu tamam, ma ni kamaunaaki. Antai ae e ataia, ao tao ko boni karikaki b'a te ueanaine i bukin te tai aei.

Iobi 1:21

Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Ruka 23:34

Ao E taku Iesu, “Tamau, kab'ara aia bure; b'a aki ata ae a karaoia.” Ao tautia a kakaea n te m'akuri ni kaiwa b'a antai ae na reke tib'ana ni kunnikain Iesu.

2.I-Korinto 2:11

b'a e aonga n aki reke ana tai Tatan ni m'aaka i aora; b'a ti atai aron ana iango nako.

2.I-Korinto 2:7

ma ngaia ae kam bon riai ni kab'ara ana bure ma ni karaua nanona, b'a e kawa teuanne ni b'ara nanona n rawawatana ae bati.

Biremon 1:15

B'a tao e a tia n nako Onetimo mai roum i nanon te tai ae aki maan, b'a e aonga ni manga reke i roum ao n tiku i roum n aki toki;

1.Tamuera 1:19

Ao a uti m'aaka Erekana ma ana utu n te bong are i mwiina, ao ngke a tia n taromauria te UEA, ao a manga okira Ram'a. Ao e a tia ni wene Erekana ma buuna are Anna, ao te UEA E kaekai ana tataro neierei.