Karikani B'aai 45:21 - Te B'aib'ara

²¹ Ao natin Iakob'a a karaoa are a tuangaki. Ao Ioteb'a e anganiia taiani ka ake a katikitikaki n taiani man, n ai aron ana taeka te uea, ao kanaia naba are aia tianaki i nanoni m'anangaia.

Karikani B'aai 45:21 ပူးပေါင်းရင်းမြစ်များ

Karikani B'aai 45:19

Tuangiia naba b'a a na uoti taiani ka ake a katikitikaki i rouia maan b'a baoia buuia ma natiia ake a uarereke, ao tamaia.

Karikani B'aai 45:20

A na aki raraomaeakini aia b'ai akana a tiku i mwiia, b'a a na b'aini b'ain te aba are Aikubita ni kabane aika moan raraoi.”

Karikani B'aai 45:27

Ao ngke a tia n tuangnga b'aai ni kabane are e tuangiia Ioteb'a, ao ngke e a noora te ka are e katikitikaki irouia maan are e kanakoa Ioteb'a mai Aikubita nako ina, ao e a tib'a kakoaua raoi.

Karikani B'aai 46:5

Ao e a m'ananga nako Iakob'a mai Beerateb'a. Ao e a katokaaki irouia natina mm'aane i aon ana ka te uea are e kanakoa mai Aikubita, are e katikitikaki irouia maan, n ikotaki naba ma ataei, ao buuia.

2.Rongorongo 35:16

Ma ngaia are, n te bong anne, e karaoaki te Toa are te Riao i bukin karinean te UEA, ao a kareanaki taian karea i aon te baonikarea i bukina, n aron are e a tia taekinna Iotia.

2.Rongorongo 8:13

E iri taian babaaire i aon te angakarea are e anga Moote i bukin taiani karea n te Taabati, te Toa ae Moan Otin Nam'akaina, ma Toan te Kariki ae Aki Karikaki, ao te Toa ae M'anganikaai.

Te Otinako 17:1

Ao a kiitana te Rereua are Tin te botannaomata are Iteraera ni kabane, man te tabo teuana nakon te tabo teuana n aron ana babaaire te UEA. A maeka i Rebirim, ma bon akea te ran ae a na kona ni mooi iai ikekei.

Te Minita 8:2

Ngkana ko berita nakon te Atua b'a ko na kakaonimaki nakon te uea, ao I tuangko b'a ko na riai ni kakoroa raoi nanon am berita.

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

Etekiera 23:24

A na roko aia taanga ni buaka ae e korakora mai meaang ma kaa ni buaka ao kaa ni m'am'ananga aika a uoti b'ai ni buaka. A na karin taian otanga ao taiani b'ara ni buaka ao a na katobibiko ao N na karaoia b'a a na motikii taekam ao a na katuaaeako ni kaineti ma oin aia tua nako.

Warekaia Iteraera 3:16

Ao e ongotaeka Moote, ao e wareki m'aitiia.