Karikani B'aai 45:16 - Te B'aib'ara

¹⁶ Ao ngke e roko te rongorongo arei n te baareti b'a a roko tarin Ioteb'a, ao a bane ni kukurei ana aobitia te uea.

Karikani B'aai 45:16 ပူးပေါင်းရင်းမြစ်များ

Karikani B'aai 16:6

Ao e taku Aberam, “E rangi n tamaroa, bon am toro, ao e mena i aan am babaire; karaoa ane ko bon taku nako ina.” Ao e karaoa ae aki tau Nei Tarai nakon Nei Aka ni karokoa e a biri nako Nei Aka.

Karikani B'aai 20:15

Ao e taku nakon Aberaam, “Aio abau ni kabane, ko na maeka iai n aron ane ko bon taku.”

Karikani B'aai 34:18

Ao e taraa n nakoraoi te iango aei iroun Amora ma natina te mm'aane are Tekem,

Karikani B'aai 41:33

“Ma ngaia ae ko riai ngkai n rineia mm'aane tabeman aika rabakau ma n atatai b'a a na tararua aon te aba.

Karikani B'aai 41:37

Ao a kariaia te iango anne te uea ma ana aobitia,

Karikani B'aai 45:15

Ao i mwina, e rab'atiia tarina ake tabeman, ao e inga ma ngaiia. Ao i mwiin aei, ao a tib'a taetae tarina ma ngaia.

Karikani B'aai 45:17

Ao e taku nakon Ioteb'a, “Tuangiia tarim b'a a na kaoni uotan aia aati man okira te aba are Kanaan.

2.Tamuera 3:36

Ao a bane aomata n ataa te b'ai are e karaoia Tawita, ao a kariaia, ni bon aroaroia n taai nako are a kukurei ni b'aai ni kabane ake e karaoi.

2.Rongorongo 30:4

Ao e kanakoa ana rongorongo Etekia nakoia aomata ni kabane i aon Iteraera ao Iuta, n reitaki naba ma ake a mena n te aba are Eberaim ao Manate Maeao ni kaoiia nakon te Tembora i Ierutarem i bukin bukamaruan te Toa are te Riao i bukin karinean te UEA ae Atuan Iteraera.

Etita 1:21

Ao e kukurei te uea ma ana aobitia n te iango arei, ao e karaoa ana iango Memukan.

Etita 2:4

Ao i mwiina, ko anaa te ataeinaine ae ko tangiria riki mai buakoia, ao karikia b'a te unaine n onea mwiin Nei Watiti.

Etita 5:14

Ao a kaeka buuna ma raoraona ma n taku, E aera ngkai ko aki karaoa te kainikabaeroroa ae uabwi ma uoua te miita ab'akina? Ao nakon te ingabong ko butia te uea b'a e na anganiko Moretekai, b'a ko na kabaea roroana, ao i mwiina, ko a nako nakon te baka n am'arake ma te kukurei.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 7:13

Ao n aia kauoua ni m'ananga, ao e a kaotia Ioteb'a nakoia tarina; ao a ataaki ngkanne ana utu Ioteb'a irouni B'arao.

Te Tua-Kaua 1:33

e ngae ngke E a tia ni memena iroura n te rereua. E mena te UEA i nanon te nang n te ngaina, ni kairiira nakon te tabo ike ti na nako iai, ao ni kaota naba nakoira te tabo are ti na kateimaeka iai. Ao n te tairiki, E mena i nanon te ai.