Karikani B'aai 45:10 - Te B'aib'ara

¹⁰ Kam kona ni maeka n te tabo are Koten, b'a kam aonga ni kaani ma Ngai; ngkami ma ami ataei, tibumi, ami tiibu, ami kooti, ami kao, ao ami b'aai ni kabane.

Karikani B'aai 45:10 ပူးပေါင်းရင်းမြစ်များ

Karikani B'aai 46:34

ao kam na ururingnga n tuangnga b'a bon taan tararuaia maan ngkami mairouia ami bakatibu. B'a ngkana kam karaoa anne, ao ane e na kamaekaingkami n te aba are Koten.” E taekina aei Ioteb'a b'a a aonga n aki manga kaawakiniia maan kaain Aikubita.

Karikani B'aai 47:1

Ma ngaia are, e kairiia tarina aika niman Ioteb'a, ao e nako ma ngaiia ni kawara te uea, ao e taku nako ina, “A tia n roko tamau ma tariu mai Kanaan ma aia nanai ni man, ma aia nanai n tiibu, ao aia b'ai ni kabane. Ao a mena ngkai n aonon te kaawa are Koten.”

Karikani B'aai 47:12

Ao e katauraoa te am'arake Ioteb'a i bukin tamana, ma tarina, ao ana utu tamana ni kabane, n reitaki naba ma teuare te bina.

Karikani B'aai 47:4

Ti roko ngkai b'a ti na maeka i abam b'a e a rangi korakora te rongo n te aba are Kanaan, ao a bane ni mate taian uteute i bukin kanaia ara nanai ni man. Taiaoka, anganiira te kariaia b'a ti na maeka n aonon Koten.”

Karikani B'aai 47:6

ao a na inaomata n te aba ae Aikubita. Ke a tekateka n aonon Koten, are boni ngaia kabanean raoiroin te aba aei. Ngkana iai i buakoia ana aomata aika a konab'ai, ao tuangiia b'a a na kaawakiniia nanai ni man.”

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Te Otinako 9:26

Bon te aono are Koten, are a maeka iai Iteraera are akea iai te karau te aiti.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

M'akuri 7:14

Ao e kananako Ioteb'a b'a e na weteaki nakoina tamana are Iakob'a ma ana utu ni kabaneia, ake itingauni ma niman.