Karikani B'aai 43:8 - Te B'aib'ara

⁸ Ao e taku Iuta nakon tamana, “Mwiokoai iroun te ataei, b'a ti aonga ni waekoa n nako, b'a ti a kaawa ni mate ni baki.

Karikani B'aai 43:8 ပူးပေါင်းရင်းမြစ်များ

Karikani B'aai 42:2

I ongo b'a e m'aiti te uita i Aikubita, kam na nako ni kabooi karara tabeua ikekei b'a ti aonga n aki mate ni baki.”

Karikani B'aai 42:38

Ma e taku Iakob'a, “E aki kona n iriko natiu te mm'aane; b'a e a tia ni mate tarina, ao ai bon tii ngaia ngkai. E kaawa ni manga riki te b'ai teuana nakoina i aon te kawai, ao I a bon rangi ni kara, ao ane N na waekoa ni mate iai.”

Karikani B'aai 44:20

Ao ti taku, ‘Eng, iai tamara ae e a kara, ao iai naba tarira ae uarereke, ae e a tib'a bungiaki ngke e a boni kara. E a tia ni mate tarin Beniamin, ao bon ti ngaia ngkai ae e maiu, ao e rangi n tatangiraki iroun tamana.

Karikani B'aai 44:26

Ao ti taku nako ina, ‘Ti aki kona n nako; ti na bon aki manga roko i matan te aomata arei ni karokoa e iriira tarira are uarereke. Ti tii kona n nako ngkana e m'ananga naba tarira ane uarereke.’

Karikani B'aai 45:19

Tuangiia naba b'a a na uoti taiani ka ake a katikitikaki i rouia maan b'a baoia buuia ma natiia ake a uarereke, ao tamaia.

Karikani B'aai 50:21

Bon akea te b'ai ae kam na maakua. N na kaawakiningkami ma ami ataei.” Ma ngaia are, e anganiia taeka ni karaunano aika a roota nanoia.

Karikani B'aai 50:8

A airi naba ma ngaia ana utu, tarina nako, ao ana utu tamana ni kabane. Bon ti ataei ake a uarereke ma aia tiibu, ma kooti, ao aia kao ake a tiku n te tabo are Koten.

2.Uea 7:13

Ao e kaeka ana aobitia are temanna ao e taku, “A karako m'aitiia ara aoti, ao e aera ngkai ti aki anganiia tabeman m'aane niiman aoti b'a a na nako n aia kaemb'a kaain Turia n noora te b'ai ae e riki? Ti a nako nakon aia kaemb'a kaain Turia b'a bon ti te bo naba ngkana ti tiku ikai, ke ti nako ikekei, ae ti na boni mate n aroia ake a tia ni mate.”

2.Uea 7:4

Bon akea te am'arake ae e na reke i nanon te kaawa, ao ti na boni mate ni baki ngkana ti rin nako. Ae ti na boni mate naba ngkana ti tiku i tinaniku ikai. Ti a nako nakon aia kaemb'a aia taanga ni buaka kaain Turia, ma n anga ngaira nakoia. Ane a na tiringiira, ke a na aki.”

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Taian Areru 118:17

I tekeraoi b'a I aki mate; ma ngaia ae N na kabongana maiu n tataekina te b'ai ae E a tia ni karaoia te UEA.

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Warekaia Iteraera 14:31

Kam raraoma ngkoa i bukiia natimi b'a a kaawa ni manga tauaki b'a taian taenikai. Ma boni Ngai ae te UEA, ae N na bon karokoia n te aba are kam ribaia.

Te Tua-Kaua 33:6

Kam na maiu kaain te baronga are Reuben e ngae ngke te baronga ngkami ae uarereke.