Karikani B'aai 43:34 - Te B'aib'ara

³⁴ Ao a uouotaki taian am'arake nako ia man ana taibora Ioteb'a, ao e rangi n raka riki uouotakin te am'arake nakon Beniamin b'a nimaua te tai rakana nakoia ake tabeman. Ma ngaia are, a am'arake ma ni mooi ma Ioteb'a ao n reke aia tai ae moan te raoiroi.

Karikani B'aai 43:34 ပူးပေါင်းရင်းမြစ်များ

Karikani B'aai 35:24

Natin Nei Rakera mm'aane bon: Ioteb'a ao Beniamin.

Karikani B'aai 45:22

Ao e bane naba ni katoaia ma tatabeua aia kunnikai, ma e angan Beniamin tenibubua te m'akoro n tirewa, ao nimaua ana kunnikai.

2.Tamuera 11:8

Ao i mwiina, e taku Tawita nakon Uria, “Nakon mwengam ni kaitiakiko.” Ao e kiitana ana bareti te uea Uria, ao e kanakoa te am'arake Tawita nakon ana auti Uria.

Taeka n Rabakau 31:6

E na ti kabonganaaki te manging ma te wain irouia akana a nang mate ke irouia aika akea nikiran aia kaantaninga.

Te Minita 10:19

Ko na kukurei n te am'aam'arake ao te momooi, ao e konaa ni kabooi b'aai ni kabane aika ko tangiri te kamaraato.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Ab'akuka 1:6

N na kakorakora m'aakan te tautaeka ni B'aburon, ae te koraki aika a tiritiri, aika akea tokiia. Akana a m'am'ananga n te aonnaba ni buakani aaba nako.

Mataio 11:19

E roko Natin te aomata n am'am'arake ma ni momooi, ao a kangai, Noria, te aomata ae buabeka ao te tia korowawa ni mamanging; raoraoia taan anai taekiti ma aomata aika buakaka. Ma e ngae n anne, ao rabakaun te Atua e a kaotaki b'a e koaua n uaana.

Ioane 2:10

ao e taku nakoina, “A bane n anganaki moa aomata te wain ae rangi n raoiroi, ao ngke a bati n nimma, ao a manga anganaki te wain ae aki bati n raoiroi. Ma ngkoe ko a tia ni kawakina te wain are rangi n raoiroi ni karokoa ngkai!”

1.Tamuera 1:5

Ma e angan Anna ae m'aiti riki i bukina b'a e tangira riki Anna, e ngae ngke E a tia te UEA n aki anganna te kakariki.