Karikani B'aai 43:32 - Te B'aib'ara

³² Bon teuana ana taibora Ioteb'a, ao naake tarina bon teuana naba aia taibora, ao kaain Aikubita ake a am'arake naba ma ngaia n te tai arei, bon teuana naba aia taibora ae okoro, b'a a raarawa ni bootaki n am'arake ma Ebera.

Karikani B'aai 43:32 ပူးပေါင်းရင်းမြစ်များ

Karikani B'aai 31:54

E tiringa te man, ao e anga b'a te karea i aon te maunga, ao e kaoiia ana aomata nakon ana baka n am'arake, ao a tiku ni kangainaa i aon te maunga.

Karikani B'aai 43:16

Ao ngke e noora Beniamin Ioteb'a b'a raoia, ao e taku nakon ana toro are e tararua ana auti, “Kairiia aomata aikai nakon au auti, b'a N na katawanou ma ngaiia, ma ngaia are, ko na tiringa te man b'a karara.”

Karikani B'aai 46:34

ao kam na ururingnga n tuangnga b'a bon taan tararuaia maan ngkami mairouia ami bakatibu. B'a ngkana kam karaoa anne, ao ane e na kamaekaingkami n te aba are Koten.” E taekina aei Ioteb'a b'a a aonga n aki manga kaawakiniia maan kaain Aikubita.

Te Otinako 8:26

Ao e kaeka Moote, “E kangaanga karaoan anne i roura. A na bon matauninga kaain Aikubita ni b'aai ake ti na anga b'a ara karea nakon te UEA ae Atuara, ao tokina a na kareira n atiibu ni kamateira.