Karikani B'aai 43:30 - Te B'aib'ara

³⁰ Ao e kawaekoa n nako Ioteb'a, b'a e waerakeia te tang ngke e a tib'a noora tarina are Beniamin. E a roko i rouna ae kaanga e nang tang i mataia. Ma ngaia are, e nakon ana ru, ao e a karaua n tang iai.

Karikani B'aai 43:30 ပူးပေါင်းရင်းမြစ်များ

Karikani B'aai 42:24

Ao e kiitaniia Ioteb'a ni kam'awaia, ao e tang. Ao ngke a toki angin tangina, ao e a manga okiria ni manga taetae nakoia, e katebenakoa Timeon mai buakoia, ao e kabaea i mataia.

Karikani B'aai 45:2

Ao e a tangi n takaarua, ma ngaia are, a ongo kaain Aikubita, ao e a roko rongorongona n ana bareti te uea.

Karikani B'aai 46:29

ao e a tokara ana ka ni buaka Ioteb'a, ao e a nako ni kaitibo ma tamana i Koten. Ao ngke a kaitibo, ao e a rab'ata roroan tamana Ioteb'a, ao e tang n te tai ae maan.

1.Uea 3:26

Ao e takaarua are bon tinan te teei ni kaangai, “Taiaoka! Te uea ae ko karineaki, tai tiringa natiu. I rangi n tangira natiu ma an angan neienne. Tai tiringnga.” Ao e takaarua neiere temanna ni kaangai, “E nako te kai korouaia mai i nuukana b'a ti aonga ni boraoi n akea natira.”

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

M'akuri 20:19

Ao I beku i bukin te UEA ma te nanorinano ni kabanea, ma rannimatau, ri buakoni kataaki ake a b'akarai n aia m'akuri ni kam'am'ane I-Iutaia.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

M'akuri 20:37

Ao a bane ni katu rannimataia n tang, ao a b'akara aon roroani B'auro ni kaboria ma ngaia.

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Biribi 2:1

Ma ngaia aei, ngkai e reke karauan te nano irouni Kristo, ngkai iai kaungaan te nano n te tangira, ngkai iai te i-raorao ma te Tamnei, ngkai iai te ataataiaomata ma te nanoanga,

I-Korote 3:12

Ma ngaia aei, ngkai ana aomata te Atua ngkami aika kam rineaki, aika kam itiaki ma n tangiraki, ao kam na b'aina te nano n nanoanga, te atataiaomata, te nanorinano, te nimamannei, te taotaonaki n nano.

2.Timoteo 1:4

I uringa arom ngke ko tang, ao I rangi ni kan noriko b'a I aonga ni kaonaki n te kim'areirei.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?