Karikani B'aai 43:26 - Te B'aib'ara

²⁶ Ao ngke a okira ana auti Ioteb'a ngke e a tawanou, ao a uoti aia b'ai nako nanon ana auti ma ni bobaraaki nako aontano i matana.

Karikani B'aai 43:26 ပူးပေါင်းရင်းမြစ်များ

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 33:3

Ao e rimoaia Iakob'a, ao e boobaraaki nako aontano itiua te tai ngke roko i matan tarina.

Karikani B'aai 42:6

Ao e kakabonakoi taian uita Ioteb'a are te kowana i Aikubita nakoia aomata ni kabane ake a roko man taabo nako n te aonnaba. Ma ngaia are, a roko naba tarina akekei, ao a bobaraaki i matana nako aontano.

Karikani B'aai 43:11

Ao e taku tamaia nako ia, “Ngkana ai ngaia anne arona, ao kam na uoti b'aai aika a rangi n raoiroi mai abara i nanon ami baeki b'a ami b'ai n tangira nakon te kowana, aia karewe manibeeru, renganan taian am'arake, taiani koraa aika kakanaki ake te naani bititakio, ao ai te naan amon.

Karikani B'aai 43:28

Ao a taku, “Eng, e boni maiu ma ni marurung naba am toro are tamara.” Ao a katorobubua ma ni bobaraaki i matana.

Taian Areru 72:9

Ane a na bobaraaki i matana ni karinea akana maeka n te rereua; Ane a na tae aia kai taan ribaia.

Te Otinako 18:7

Ma ngaia are, e a kaman butim'aia Moote, e bobaraaki i mataia ma ni kaboria ao n inga ma ngaiia. Ao a i titirakiniia i bon irouia b'a a uara, ao i mwiina, a kaai n rinnako n ana auti n rianna Moote.

I-Rom 14:11

B'a e koreaki ae kaangai: E taku te UEA, “Ngkai I maiu, ao ane a na bane bubuaniwae ni katorobubua nako iu, Ao a na bane neewe n neboa te Atua.”