Karikani B'aai 43:23 - Te B'aib'ara

²³ Ao e taku te toro arei, “Kam na aki raraoma, tai maaku. Bon Atuami are Atuan tamami ae kaoki nako imi taiani m'ane nako nanon ami baeki. B'a I bon bane ni karekei boon ami b'ai ni kabane n te tai arei.” Ao i mwiina, e a kaira Timeon nakoia.

Karikani B'aai 43:23 ပူးပေါင်းရင်းမြစ်များ

Karikani B'aai 42:24

Ao e kiitaniia Ioteb'a ni kam'awaia, ao e tang. Ao ngke a toki angin tangina, ao e a manga okiria ni manga taetae nakoia, e katebenakoa Timeon mai buakoia, ao e kabaea i mataia.

Karikani B'aai 42:28

Ao e taku nakoia tarina ake tabeman, “E a manga kaokaki au m'ane nako iu, nooria e bon mena i nanon au baeki.” Ao a ruru ni maaku ngke a aitara mata i bon irouia, ao a taku, “Tera ae karaoia te Atua nakoira?”

Karikani B'aai 42:36

Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”

Karikani B'aai 43:14

E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

Karikani B'aai 43:22

Ao ti uoti naba ara m'ane riki b'a ti na manga kabooi riki karara. Ti aki ataia b'a antai ae manga kaoki ara m'ane nako nanon ara baeki.”

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

1.Rongorongo 12:19

Taani buaka tabeman man te baronga are Manate a nako n raona Tawita. A tia n ira Tawita ngke e buaka ngkoa man aia itera kaain Biritia ni kaaitaraa te uea are Tauro. Ma ni bon te tai are a ataia iai kaain Biritia b'a e na kona ni manga buakaniia man raona Tauro, ao a kanakoa nakon te kaawa are Tikeraka.

Etira 4:17

Ao e kaeka te uea are Atatokititi: Te kamauri nakon te koowana are Reum, te tia Koroboki are Timtiai, ao ana taan iango Taamaria ao m'akoron te tautaeka are Maeao.

Ruka 10:5

Ngkana kam rin n te auti teuana, ao kam na kangai moa, “E na mena te rau n te auti aei.”

Ruka 24:36

Ngke a tabe n atongi baikai, ao E tei Iesu i buakoia, ao E taku nako ia, “E na mena te rau i roumi.”

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

Ioane 20:19

Ngke e a tairiki n te bong naba arei, are moa ni bongin te wiiki, ngke a kainiia ana reirei Iesu n te tabo are a mena iai, b'a a makuia I-Iutaia, ao E roko Iesu n tei i buakoia, ao E taku nakoia, “E na mena te rau iroumi.”

Ioane 20:21

E a manga taku ngkanne Iesu nakoia, “E na mena te rau iroumi. I kanakoingkami n ai aron Tamau ngke E kanakomaiai.”

Ioane 20:26

Ao i mwini wanibong ao a manga mena i nanon te auti ana reirei, ao Toma raoia. A bono mataroa, ma E roko Iesu n tei i buakoia, ao E taku, “E na mena te rau iroumi.”

Tani Motiki-taeka 19:20

Ao e taku te unim'aane arei, I rangi ni butim'aingkami nakon au auti b'a kam na matu iai ni kangainaa, ao kam na riki b'a au iruwa, ma ti a nako.”

Tani Motiki-taeka 6:23

Ao E taku te UEA nakon Kiteon, “Karaua nanom, bon akea te b'ai ae ko na maaku iai. Ko na bon aki mate.”

1.Tamuera 25:6

E tuangiia b'a a na kaangai nakon Nab'ara: “E kanakoira Tawita b'a ti na anganiko ana kamauri, ma ana katekeraoi nakoim, ma am utu, ao am b'ai ni kabane.