Karikani B'aai 43:18 - Te B'aib'ara

¹⁸ Ao ngke a uotaki nakon ana auti Ioteb'a, ao a maaku, ao a taku i nanoia, “Ti a uotaki nako ikai ngkai i bukin taiani m'ane ake a kaokaki nakon ara baeki ni moan rokora. Ane a na karinaira ni buakaniira ma n anai ara aati, ma ni karikiira b'a aia toro.”

Karikani B'aai 43:18 ပူးပေါင်းရင်းမြစ်များ

Karikani B'aai 42:21

ao a taku i bon irouia, “Eng, ngkai e a bon roko mwiin ara m'akuri are ti a tia ni karaoia nakon tarira, ti bon noora kainanona ae korakora ngke e bubuti buokana, ma ti bon aki kan ongo. Ao bon anne bukina ngkai ti a reke n te kangaanga ae korakora n te tai aei.”

Karikani B'aai 42:27

Ao ngke a tiku n te tabo teuana b'a e a taoniia te bong, ao e a kauka ana baeki teuare temanna b'a e na kam'arakeia ana aati, ao e a manga kunea ana m'ane mai matan ana baeki.

Karikani B'aai 42:28

Ao e taku nakoia tarina ake tabeman, “E a manga kaokaki au m'ane nako iu, nooria e bon mena i nanon au baeki.” Ao a ruru ni maaku ngke a aitara mata i bon irouia, ao a taku, “Tera ae karaoia te Atua nakoira?”

Karikani B'aai 42:35

Ao i mwiina, ngke a kanakoi kanoan aia baeki, ao a bane ni kunei aia m'ane i nanon aia baeki, ao ngke a noori aia m'ane, ao a maaku ngaiia ma tamaia are Iakob'a.

Karikani B'aai 43:17

Ao e karaoa are e tuangaki te toro arei, ao e kairiia tarin Ioteb'a nakon ana auti Ioteb'a.

Karikani B'aai 43:19

Ma ngaia are, ngke a roko n te mataroa, ao a taku nakon te toro are e tararua te auti,

Karikani B'aai 44:8

Kam a bon tia n norira b'a ti a manga kaoki mm'aane ake ti noori i matan ara baeki, ngke ti a roko n te aba are Kanaan. Ao ti nang kangaa riki n iraea te tirewa, ke te koora man ana auti am toka?

Iobi 15:21

A na mena i taningana taiani karongoa aika kakamaaku, A na bane n rau aomata ao bon ti ngaia ae na aki karauaki i rouia kam'arua.

Iobi 30:14

A urua te nono are I mena iai, ao a biri n taobekaai ngke e a tib'a b'aka atiibun te nono.

Taian Areru 53:5

Ma ane kam na taonaki n te maaku ae korakora ae akea n ai arona rimoa. Te Atua e na kamaenakoi riia aia kairiribai ana aomata ao ko na bon mamaa ngkana e aki butim'aiko te Atua.

Taian Areru 73:16

I kataia n iaiangoa aron te kaangaanga aio, Ma boni moan te kaangaanga irou

Itaia 7:2

Ngke e roko te rongorongo n ana bareti te uea ae a bootaki ana taanga ni buaka Turia ma Iteraera, ao e a rangi ni maaku te Uea are Aati ma aomata ni kabane i Iuta ao a ruru kaanga taian aroka n tain te angibuaka.

Taniera 6:4

Ma ngaia are, a kakaea kabuakakaan ana kairiiri Taniera n te tautaeka naake raona ni mataniwi ao aobitia aika a rietaata, ma e bon aki reke i bukina ngke bon te aomata ae e onimakinaki Taniera, ao akea ana m'akuri ae e kairua, ke aki nakoraoi.

Mareko 6:16

Ma ngke e ongo taekana Erote, ao e taku, “Bon Ioane, are I a tia ni korea roroana, ma e a manga maiu!”

I-Rom 7:8

Ma te bure, ngke e reke ana tai, ao e kariki i nanou taiani mataai; ao e karaoa aei ri nanon taekan te Tua. b'a ngke akea te Tua, ao akea te bae e kona ni karaoia te bure.

Te Tua-Kaua 22:14

Tao e taekin taeka n aki akaaka i bukin buuna, ma ni kaangai, I a tia ni mare ma te aine aei, ma ngke I a wene ma ngaia, ao I a kunea b'a ngaia tiaki te ataein aine.

Te Tua-Kaua 22:17

ma n taku b'a e aki roko n ataei. Ma e bon kaairua, b'a aikai kakoauaana b'a e bon roko n ataei. Ao a na kaota kunnikain te kainiwene are a wene iai n tairikin te bong are a bootaki iai.

Tani Motiki-taeka 13:22

Ao e taku Manoa, Ti a tia n noora te anera Ti nang mate.

Tani Motiki-taeka 14:4

N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.