Karikani B'aai 43:14 - Te B'aib'ara

¹⁴ E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

Karikani B'aai 43:14 ပူးပေါင်းရင်းမြစ်များ

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 22:14

Ao e arana te tabo arei Aberaam b'a “E karekea te UEA.” Ao a kaangai aomata ni boong aikai, “E na karekeaki i aon ana Maunga te UEA.”

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 39:21

Ma e bon memena te UEA iroun Ioteb'a ma ni kakab'aiaa, ma ngaia are, e a tatangira Ioteb'a te tia tararua te karabuuti.

Karikani B'aai 42:24

Ao e kiitaniia Ioteb'a ni kam'awaia, ao e tang. Ao ngke a toki angin tangina, ao e a manga okiria ni manga taetae nakoia, e katebenakoa Timeon mai buakoia, ao e kabaea i mataia.

Karikani B'aai 42:36

Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”

Karikani B'aai 43:13

Kaira tarimi ao kawaekoai ngkami n nako.

Karikani B'aai 44:12

Ao e karaua ni kakae raoi ana toro Ioteb'a ni moa mairoun te karimoa ni karokoa te bina, ao e a kuneaki te m'angko n ana baeki Beniamin.

Etira 7:27

E taku Etira i bukina ngke e rangi n ataataiaomata Atatokititi: Neboa te UEA ae Atuaia ara bakatibu. E boni kabobonga raoi karinean ana Tembora i Ierutarem iroun te uea.

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Taian Areru 100:5

B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Taian Areru 106:46

Ao a riki n nanoangaki iai irouia ake a taenikai irouia.

Taian Areru 119:41

Te UEA, kaota nako iu m'aitin tangirau iroum, Ao kamaiuai, n ai aron am Taeka.

Taian Areru 85:7

Te UEA, Ko na kaota am Tangira ae teimatoa nakoira, Ao anganira buokara ae ti na kamaiuaki iai.

Taeka n Rabakau 1:1

Aikai ana taeka n rabakau te Uea are Toromon are mai Iteraera, are natin Tawita te m'aane.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Ruka 1:50

E nanoangaia aomata ake a karinea man te rorona nakon te rorona.

Ioane 19:22

E kaekaia Birato ao e taku, “Are I a tia ni koroia, ao ai ngaia naba.”

M'akuri 21:14

Ao ngke e aki iri nanora B'auro, ao ti aki manga karongoa i mwin are ti kaangai, “E na tauaki ana taeka te UEA.”

M'akuri 7:10

ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.

1.Timoteo 1:16

ma I nanoangaaki i bukin aei, b'a E na kaota taotaonan nanon Kristo Iesu i rou, ngai ae te kabanea ni buakaka i buakoia aomata, b'a te banna ni kakairi nakoia akana nang onimakinna ao a na karekea te maiu are aki toki.

1.Timoteo 1:2

nakon Timoteo, ae natiu ni koaua i nanon te onimaki: am b'ai te akoaki, ma te nanoangaki, ma te raoi, mairoun te Atua ae te Tama ma Kristo Iesu are ara Uea.

Tito 1:4

nakon Tito, ae natiu ni koaua n te onimaki are ti buokanib'ai iai: am b'ai te akoaki ma te raoiroi mairoun te Atua ae te Tama ma Kristo Iesu are ara Tia Kamaiu.

2.Ioane 1:3

E na mena i roura te akoi, ma te nanoanga, ma te raoi, mairoun te Atua ae te Tama ao mairoun Iesu Kristo are Natin te Tama; a na mena baikai i roura ngaira aika ti ata te koaua aika ti i tangitangiri.