Karikani B'aai 42:9 - Te B'aib'ara

⁹ Ao e uringa miina ake e mii ngkoa, ao e taku nakoia, “Bon taan tutuo ni karaba ngkami; kam roko ngkai b'a kam na tuoa abau ni kakaea mamaarana.”

Karikani B'aai 42:9 ပူးပေါင်းရင်းမြစ်များ

Karikani B'aai 37:11

Ao a bakantang tarina i rouna, ma e tabetabe nanon tamana n te b'ai arei.

Karikani B'aai 42:16

E na nako temanna n anaia, ao a na tiku nikirana ni kaawakinaki ni karokoa reken raoi te koaua n aron ami taeka. I taku b'a I bon aki nano uoua b'a bon taan tutuo ni karaba ngkami.”

Karikani B'aai 42:34

Ao kam na manga uotaamai tarimi are uarereke nako iu. Ao N na ataia ngkanne b'a ngaia bon tiaki taian tib'aai ngkami, ma aomata ngkami aika kam raoiroi; Ao N na manga angani ngkami tarimi, ao kam na kona n tiku ikai ni karaoa ami kabob'ai.”

2.Tamuera 10:3

Ma a taku ana mataniwi Anun nakoina, “Ko boni kakoauaa b'a a karinea tamam ngkai e kanakoia aomata aikai b'a a na kaawakiniko? E kanakoia b'a a na tib'aaiakina ara kaawa, b'a e aonga ni konaa n urua.”

Te Otinako 32:35

Ma ngaia are, e katuaaia Iteraera te UEA n te aoraki ae e kakamaaku i bukina ngke a tuanga Aaron b'a e na karaoa aia bouannanti te koora.

Warekaia Iteraera 13:2

“Rineia taani kairiri mani baronga nako, ao kanakoia nako Kanaan b'a a na tuoa aon te aba ae N nang anganingkami b'a abami.”

Ruka 20:20

Ma ngaia are a taratara te tai are na angaraoi; ao a kanakoia aia bureitiman ni karaba aika a na baka n raoiroi, b'a a na karekea kabuakakaan Iesu man ana taeka, n te aro b'a a aonga n anga Ngaia nakon te tia tautaeka b'a E na baireaki taekana.

Ebera 11:31

N te onimaki are e aki kamateaki iai Nei Raaba are te kabekaau ma ake a aki onimaki, ngke e a tia ni m'aneia n akoia taan tutuo akekei ma te rau.

Iotua 2:1

Ao Iotua e kanakoia uoman ana tib'aai ngke a kaemb'a i Titim, b'a a na tib'aaiakina aon Kanaan, ma e a moamoa riki te kaawa ae Ieriko. Ngke a roko n te kaawa, ao a nako ni kangainaa n ana auti ainen mataawa ae arana Nei Raaba.

Iotua 6:23

Ma ngaia are a nako n anaa Nei Raaba ma tamana, tinana, m'aanena, ao ana utu ma ana toro ni kabane, ao a kairiia nako rarikin te tabo are a motirawa aomatan Iteraera iai.

Tani Motiki-taeka 1:24

Ao ngke a tabe n tarataraa te kaawa taan tutuo ni karaba, ao e otinako temanna te m'aane, ao a taku nakoina, “Ngkana ko kaota nakoira b'a engaa te tabo ae a kona n rin mai iai ara taanga ni buaka nakon te kaawa aei, ao ti na bon aki tiringko.”

1.Tamuera 26:4

e kanakoia ana taan kakaae rongorongo ao e ataia b'a e a bon roko Tauro ikekei.