Karikani B'aai 42:38 - Te B'aib'ara

³⁸ Ma e taku Iakob'a, “E aki kona n iriko natiu te mm'aane; b'a e a tia ni mate tarina, ao ai bon tii ngaia ngkai. E kaawa ni manga riki te b'ai teuana nakoina i aon te kawai, ao I a bon rangi ni kara, ao ane N na waekoa ni mate iai.”

Karikani B'aai 42:38 ပူးပေါင်းရင်းမြစ်များ

Karikani B'aai 37:33

Ao e kinaa te kunnikai arei Iakob'a, ao e taku, “Eng, bon ana kunnikai. E a tia ni tiringaki i rouia maan ni kaakang. E a tia n raebitiaki Ioteb'a.”

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

Karikani B'aai 37:35

Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.

Karikani B'aai 42:13

Ao a taku, “Bon taari ngaira aika tengaun ma uoman m'aitira ni kabane, bon ti temanna tamara n te aba are Kanaan. E a tia ni mate tarira are temanna, ao tarira are te bina are tiku iroun tamara.”

Karikani B'aai 42:37

Ao e taku Reuben nakon tamana, “Ngkana ti aki kaoka Beniamin nakoim, ao ko kona n tiringiia natiu mm'aane ake uoman. Anganai taekan Beniamin b'a N na kaawakinna, ao N na kaokia nakoim.”

Karikani B'aai 42:4

ma e aki kam'ananga tarin raoi Ioteb'a are Beniamin Iakob'a ma ngaiia, b'a e kaawa ni manga riki naba te kangaanga nakoina.

Karikani B'aai 43:13

Kaira tarimi ao kawaekoai ngkami n nako.

Karikani B'aai 44:20

Ao ti taku, ‘Eng, iai tamara ae e a kara, ao iai naba tarira ae uarereke, ae e a tib'a bungiaki ngke e a boni kara. E a tia ni mate tarin Beniamin, ao bon ti ngaia ngkai ae e maiu, ao e rangi n tatangiraki iroun tamana.

Karikani B'aai 44:22

ao ti kaekako b'a e aki kona ni kitana tamana te ataei ni mm'aane, b'a ngkana e kitanna, ao e na mate tamana iai.’

1.Uea 2:6

n aron am kabanea n tamaroa. Ngkana tao ko iraaniia, ao ko na aki kariaia b'a a na mate ma te rau ni kauia karaia.

Iobi 41:32

E tiki airana imwiina, ao e onika taari nakon taian nao aika ngarengare.

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Taian Areru 90:10

Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Te Minita 1:14

I a tia n noori b'aai ni kabane, ao akea nanoni iango ni kabane b'a kaanga ti kaean te ang.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Itaia 38:10

I taku ngai b'a N nang mate i nanon au bong n rorobuaka ma ni kabureaki n akea au tai i abaia maate.

Itaia 46:4

Ao N na bon karaoa naba anne ngkana kam a kara ma ni iaia, ao N na bon kaawakiningkami. I karikingkami. I uotingkami ao I tararuaingkami n taai nako.