Karikani B'aai 42:24 - Te B'aib'ara

²⁴ Ao e kiitaniia Ioteb'a ni kam'awaia, ao e tang. Ao ngke a toki angin tangina, ao e a manga okiria ni manga taetae nakoia, e katebenakoa Timeon mai buakoia, ao e kabaea i mataia.

Karikani B'aai 42:24 ပူးပေါင်းရင်းမြစ်များ

Karikani B'aai 34:25

Tenibong te bong i mwiina, ngke a tuai mao mwiin koreaia mm'aane, ao uoman natin Iakob'a mm'aane aika Timeon, ao Rewi ake m'anen Nei Rina a anai aia kabaang, ao a nakon te kaawa n tiringiia mm'aane ni kabane n te aro ae aki kaantaningaaki,

Karikani B'aai 42:23

Ao e atai baike a taekin Ioteb'a, ma a bon aki roko n te kinaa Ioteb'a, i bukina ngke bon iai are e kab'ara taeka i marenaia.

Karikani B'aai 43:14

E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

Karikani B'aai 43:23

Ao e taku te toro arei, “Kam na aki raraoma, tai maaku. Bon Atuami are Atuan tamami ae kaoki nako imi taiani m'ane nako nanon ami baeki. B'a I bon bane ni karekei boon ami b'ai ni kabane n te tai arei.” Ao i mwiina, e a kaira Timeon nakoia.

Karikani B'aai 43:30

Ao e kawaekoa n nako Ioteb'a, b'a e waerakeia te tang ngke e a tib'a noora tarina are Beniamin. E a roko i rouna ae kaanga e nang tang i mataia. Ma ngaia are, e nakon ana ru, ao e a karaua n tang iai.

Karikani B'aai 45:1

Ao Ioteb'a e a aki kona n taotaona nanona ni karaba mairouia tarina, ma ngaia are, e a tuangiia aomata ni kabane b'a a na kitana te ru, ao ngke ai bon akea aomata, ao e a tuangiia tarina b'a antai ngaia.

Karikani B'aai 45:2

Ao e a tangi n takaarua, ma ngaia are, a ongo kaain Aikubita, ao e a roko rongorongona n ana bareti te uea.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

I-Rom 12:15

Kam na kim'areirei ma akana kim'areirei; kam na tang ma akana tang.

1.I-Korinto 12:26

Ngkana e maraki b'ain te rab'ata teuana, ao a bane naba ni maraki b'ain nako te rab'ata ma ngaia; ao ngkana e karineaki b'ain te rab'ata teuana, ao a bane b'ain nako te rab'ata ni kim'areirei ma ngaia.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.