Karikani B'aai 42:13 - Te B'aib'ara

¹³ Ao a taku, “Bon taari ngaira aika tengaun ma uoman m'aitira ni kabane, bon ti temanna tamara n te aba are Kanaan. E a tia ni mate tarira are temanna, ao tarira are te bina are tiku iroun tamara.”

Karikani B'aai 42:13 ပူးပေါင်းရင်းမြစ်များ

Karikani B'aai 37:30

E kawariia tarina, ao e taku nakoia, “E aera ngkai akea Ioteb'a ikekei? Ao tera ae N nang karaoia ngkai?”

Karikani B'aai 42:11

Bon taari ngaira ni kabane. Bon tiaki taan tutuo ni karaba ngaira. Bon aomata ngaira aika ti raoiroi.”

Karikani B'aai 42:12

Ao e taku Ioteb'a nakoia, “Kam kewe, ma kam roko n tuoa mamaaran abau.”

Karikani B'aai 42:14

Ao e taku Ioteb'a, “Ngaia are I taku, bon taan tutuo ni karaba ngkami,

Karikani B'aai 42:32

Bon taari ngaira aika tengaun ma uoman, ao ti temanna tamara. E a tian ni mate tarira are temanna, ao tarira are te bina are e tiku i Kanaan ma tamana.”

Karikani B'aai 42:36

Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”

Karikani B'aai 42:38

Ma e taku Iakob'a, “E aki kona n iriko natiu te mm'aane; b'a e a tia ni mate tarina, ao ai bon tii ngaia ngkai. E kaawa ni manga riki te b'ai teuana nakoina i aon te kawai, ao I a bon rangi ni kara, ao ane N na waekoa ni mate iai.”

Karikani B'aai 43:29

Ao ngke e nooriia Ioteb'a, ao e taku, “Ngaia aio tarimi are te bina, are kam tuangai ngkoa. Te roronga, E na kakab'aiako te Atua.”

Karikani B'aai 43:7

Ao a taku, “B'a e rangi n titirakiniira te aomata arei i bukiia ara utu. E titirakiniira naba i bukin tamara b'a e maiu ke e aki, ao e titirakiniira naba b'a iai riki tarira ke akea, ao ti bon riai ni kaekai taian titiraki akanne, ao ti aki ataia b'a ngaia e nang tuangiira tarira b'a ti na kairiia.”

Karikani B'aai 44:20

Ao ti taku, ‘Eng, iai tamara ae e a kara, ao iai naba tarira ae uarereke, ae e a tib'a bungiaki ngke e a boni kara. E a tia ni mate tarin Beniamin, ao bon ti ngaia ngkai ae e maiu, ao e rangi n tatangiraki iroun tamana.

Karikani B'aai 44:28

E a tia ni kiitanai are temanna. E a tia n raebitiaki irouia mannikaakang, ao I bon tuai man nooria man te tai are e kiitanai iai ni karokoa te tai aei.

Karikani B'aai 45:26

Ao a taku nakon tamaia, “E boni maiu Ioteb'a. Bon te tia tautaeka ngaia i Aikubita.” Ao e kubanako Iakob'a n te rongorongo arei, ao e aki kakoauaia.

Ieremia 31:15

E ongo te aba te tang ae e korakora mai Ram'a Tangin Nei Rakera i bukiia natina, ao e rawa ni karauaki nanona, i bukina ngke a mate.

B'aeb'aeti 5:7

A bure ara bakatibu, ao a mate, ao ngaira ti a karawaawataaki i bukin aia bure.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

Mataio 2:18

E ongo te aba te b'ana i Rama, bon te tang, ma te tanginiwenei ae bati. E tang Nei Rakera i bukiia natina, b'a a mate, ao e rawa ni kabebeteaki nanona.