Karikani B'aai 41:56 - Te B'aib'ara

⁵⁶ Ao e rikirake korakoran te rongo ni kabutaa aon te aba arei ni kabutaa, ma ngaia are, e a kauki taian auti ake a kaawakinaki iai taian am'arake ma ni kabooi nako taian uita nakoia aomatan Aikubita.

Karikani B'aai 41:56 ပူးပေါင်းရင်းမြစ်များ

Karikani B'aai 12:10

Ma e bon taonaki Kanaan n te rongo n te tai anne, ao e bon rangi ni korakora ma ngaia are, e a manga m'ananga Aberam nakoaiaki riki nako Aikubita, ni maeka tabeua te tai ikekei.

Karikani B'aai 41:30

Ao i mwiin anne, ao e na manga roko ririkin te rongo aika itiririki, ao ane a na mauna nako kukureia aomata, i bukin kamamaten te rongo i aon te aba.

Karikani B'aai 41:35

Tuangiia b'a a na taia te am'arake i nanon itiua ririki ni mari aika na roko, ao anganiia te mwioko b'a a na kaawakin taian uita i nanon te kaawa ma n tararuaia.

Karikani B'aai 41:55

Ngkana a taonaki kaain Aikubita n te baki, ao a tang nakon te uea, ao te uea e tuangiia b'a a na kawara Ioteb'a ma ni karaoa te b'ai are e tuangiia.

Karikani B'aai 41:57

Ao a roko aomata nako man te aonnaba ni kabutaa nako Aikubita ni kabooa te uita mairoun Ioteb'a, b'a e a rangi korakora te rongo n taabo nako.

Karikani B'aai 42:6

Ao e kakabonakoi taian uita Ioteb'a are te kowana i Aikubita nakoia aomata ni kabane ake a roko man taabo nako n te aonnaba. Ma ngaia are, a roko naba tarina akekei, ao a bobaraaki i matana nako aontano.

Karikani B'aai 43:1

Ao e a rangi ni korakora te rongo i aon Kanaan,

Itaia 23:17

I mwiin banen itingaun te ririki akanne, ao e na manga kaoka Turo te UEA nakon te karikirake. E na riki te kaawa b'a kaanga te aine ae e kabooa nako rab'atana nakoia aomata nako n taian botannaomata n te aonnaba,

Tekaria 5:3

Ao i mwiina, e tuangai ni kaangai: E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.

Ruka 21:35

b'a kanga te b'ai ni kam'am'ane. B'a ane e na roko i aoia aomata ni kabaneia aika maeka i aonnaba ni kabuta.

M'akuri 17:26

ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.